ខេត្តបាត់ដំបង ៖ យោងតាមរបាយការណ៍បឋមរបស់សមត្ថកិច្ចបានឱ្យដឹងថា ជនសង្ស័យម្នាក់ ក្នុងចំណោម២នាក់ ត្រូវសមត្ថកិច្ចឃាត់ខ្លួនបាន នាប៉ុន្មានម៉ោងមុននេះ ក្រោយធ្វើសកម្មភាពចូលលួចយកលុយ និងគ្រឿងអលង្ការ ដែលមានតំលៃរាប់ពាន់ដុល្លារនៅក្នុងផ្ទះប្រជាពលរដ្ឋម្នាក់ កាលពីវេលាម៉ោងជិត៥ល្ងាចថ្ងៃទី១៣ សីហា ស្ថិតនៅក្នុងភូមិព្រែកមហាទេព សង្កាត់ព្រែកព្រះស្ដេច ក្រុងបាត់ដំបង ដោយសារម្ចាស់ផ្ទះមានការធ្វេសប្រហែស ។
មន្ត្រីនគរបាលក្រុងបាត់ដំបងបានឲ្យដឹងថា ជនដៃដល់ម្នាក់ដែលត្រូវឃាត់ខ្លួនឈ្មោះវ៉ាន់ រ៉ាវ័ន្ត អាយុ២៣ឆ្នាំ នៅភូមិជើងឯក សង្កាត់ដង្កោ ខណ្ឌដង្កោ រាជធានីភ្នំពេញ តែបានមកស្នាក់នៅបណ្ដោះអាសន្ននៅភូមិឡអិដ្ដ សង្កាត់ព្រែកព្រះស្ដេច ក្រុងបាត់ដំបង ។ រីឯម្ចាស់ផ្ទះរងគ្រោះឈ្មោះស៊ុយ គឹមហេង ភេទស្រី អាយុ៣៨ឆ្នាំ រស់នៅក្រុមទី១៥ ភូមិ-សង្កាត់កើតហេតុខាងលើ ។
មន្ត្រីដដែលឱ្យដឹងទៀតថា ជនដៃដល់មានបក្សពួក២នាក់ បានចូលទៅក្នុងផ្ទះជនរងគ្រោះ ខណ:ម្ចាស់ធ្វេសប្រហែសបើកទ្វារចំហ ។ ពេលចូលក្នុងផ្ទះ ពួកគេបានធ្វើសកម្មភាពគាស់ទូលួចយកលុយ និងគ្រឿងអលង្ការអស់គ្មានសល់ ។
បើតាមរបាយការណ៍បឋមដដែល ដដែលជនរងគ្រោះបានប្រាប់ គឺសម្ភារដែលបាត់បង់រួមមាន ៖ ខ្សែ.ក
ប្លាទីន២ខ្សែ (តំលៃ២៤៥០ដុល្លា), ខ្សែដៃប្លាទីន១ខ្សែ (តំលៃ១៨០០ដុល្លារ), កងដៃប្លាទីន១គូ (តំលៃ៤៥០ដុល្លារ), ប្រាក់ចំនួន២០០០ដុល្លារ និងឯកសារប្រើប្រាស់ផ្ទាល់ខ្លួនមួយចំនួនទៀត ។
សមត្ថកិច្ចបានឱ្យដឹងដែរថា ក្រោយពេលទទួលពាក្យបណ្តឹងផ្នែកជំនាញបានធ្វើការសេីុបអង្កេតស្រាវជ្រាវនិងសហការជាមួយការិយាល័យព្រហ្មទណ្ឌកំរិតស្រាលតាមឃាត់ខ្លួនជនសង្ស័យម្នាក់ឈ្មោះ វ៉ាន់ រ៉ាវ័ន្ត ។ រីឯបក្សពួកម្នាក់ទៀត ឈ្មោះប៉ាវ អាយុ២០ឆ្នាំ បានរត់រួច ។ ជាមួយនឹងការឃាត់ខ្លួននេះ សមត្ថកិច្ចដកហូតបានម៉ូតូម៉ាកស្គូពី ពណ៌ផ្កាឈូក១គ្រឿង មានពាក់ស្លាកលេខភ្នំពេញ1CM -562 និងដែកពន្លាក១ដើម។
ប៉ុន្តែបើតាមពត៌មានចុងក្រោយពីសមត្ថកិច្ច នៅព្រឹកថ្ងៃទី១៤ សីហា នេះថា គឺកម្លាំងជំនាញបានតាមឃាត់ខ្លួនបក្សពួកម្នាក់ទៀត ដែលឈ្មោះប៉ាវ នោះបានហើយ ។ ប្រភពពីសមត្ថកិច្ចបានឲ្យដឹងទៀតថា ពេលនេះសមត្ថកិច្ចកំពុងសួរនាំ និងនាំខ្លួនជនសង្ស័យ ទៅរកវត្ថុតាងដែលគេកំពុងលាក់ទុក ។
ប្រភព៖ kohsantepheapdaily
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]