អេស្ប៉ាញ៖ ខ្សែការពារ Gerard Pique បានសម្រេចប្រកាសចូលនិវត្តន៍ពីក្រុមជម្រើសជាតិអេស្ប៉ាញហើយ ដោយគេក៏បានបញ្ជាក់អំពីមូលហេតុថាគេចង់ផ្ដោតអារម្មណ៍តែលើការលេងឲ្យក្រុម FC Barcelona ប៉ុណ្ណោះ។
អតីតខ្សែការពារក្លិបបិសាចក្រហម Manchester United រូបនេះក៏ធ្លាប់បានប្រកាសចូលនិវត្តន៍ពីក្រុមជម្រើសជាតិអេស្ប៉ាញជាច្រើនដងរួចមកហើយ ដោយសារតែគេមានអារម្មណ៍ហត់នឿយទៅនឹងការស្ដីបន្ទោសរបស់អ្នកគាំទ្រ។
ខណៈដែលការស្ដីបន្ទោសនេះបាន កើតឡើងក្រោយពីខ្សែការពាររបស់ក្លិបអ្នកមានបុណ្យរូបនេះចង់ធ្វើការទាមទារឲ្យប្រជាជនកាតាឡាន់បានឯករាជ្យពីប្រទេសអេស្ប៉ាញ។
ស្របពេលដែល ក្រុមជម្រើសជាតិអេស្ប៉ាញបានធ្លាក់ចេញពីបានរង្វាន់ World Cup ២០១៨ ផងនោះ ខ្សែការពារវ័យ ៣១ឆ្នាំនេះក៏បានប្រកាសចូលនិវត្តន៍ជាផ្លូវការតែម្ដង បើទោះបីជាក្រុមអេស្ប៉ាញបានតែងតាំងគ្រូបង្វឹកថ្មីលោក Luis Enrique ដែលជាគ្រូបង្វឹកក្លិប FC Barcelona ផ្ទាល់ក៏ដោយ។
គួរឲ្យដឹងដា ការប្រកាសចូលនិវត្តន៍របស់ខ្សែការពារ Gerard Pique នេះដែររូបគេបានបញ្ជាក់អំពីហេតុផលថា គេចង់ប្រើប្រាស់ពេលវេលាឱ្យច្រើនដើម្បីជួយក្រុម FC Barcleona ឲ្យបានឈ្នះពាន Champions League ពីព្រោះថាក្រុមរបស់គេបានភ្លាត់ចាញ់ក្រុម Roma នៅក្នុងជើងទី២យ៉ាងឈឺចាប់កាលពីពេលកន្លងទៅ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]