ខ្វះតែប៉ុន្មានថ្ងៃទៀត ចូលអាយុ៣៨ឆ្នាំទៅហើយ តែសម្រស់ ស្រីម៉ុច នៅតែកប់ខ្លាំង!

ភ្នំពេញ៖ កំពូលតារាសម្តែងស្រីស៊ិចស៊ីអ្នកនាង ស្រីម៉ុច សព្វថ្ងៃនេះទោះបីជាមិនសូវប្រកបការងារសិល្បៈច្រើនដូចកាលពីមុនក៏ពិតមែន ប៉ុន្តែប្រជាប្រិយភាពរបស់នាង នៅតែមានជាប់ជានិច្ច ក្នុងដួងចិត្តអ្នកគាំទ្រជាច្រើននាក់។

ហើយបើងាកទៅមើលពីសម្រស់របស់នាងវិញ ក៏នៅតែមានភាពស្រស់ស្អាតខ្លាំងដដែល ទោះអាយុកាន់តែរំកិលទៅមុខក៏ដោយ។ 

ជាក់ស្តែង កាលពីយប់មិញនេះ អ្នកនាងស្រីម៉ុចក៏បានបង្ហោះរូបក្នុងអ៊ីនស្តាក្រាមប្រាប់ឱ្យដឹងថា មិត្តភក្តិរបស់នាងបានធ្វើខួបកំណើតមុនថ្ងៃឱ្យ ដោយនៅសល់តែប៉ុន្មានថ្ងៃទៀតប៉ុណ្ណោះ នាងនឹងដល់ថ្ងៃខួបកំណើតគម្រប់អាយុ ៣៨ ឆ្នាំហើយ។

ប៉ុន្តែថ្វីត្បិតអាយុកាន់តែច្រើនក៏ដោយ ក៏គេឃើញសម្រស់របស់អ្នកនាង ស្រីម៉ុច នៅតែស្រស់ស្អាតមិនផ្លាស់ប្តូរ។ ហើយបូកផ្សំជាមួយនឹងការតុបតែងខ្លួនយ៉ាងស៊ិចស៊ីថែមទៀត រឹតតែបង្កើនសម្រស់របស់នាង ឱ្យមានភាពទាក់ទាញជាងមុនទ្វេរដង។ 

ជិត៤០ឆ្នាំ និងមានកូន៣ពិតមែន តែរឿងសម្រស់វិញ ស្រីម៉ុច តែងខ្លួនមិនឱ្យចាញ់អ្នកមានអាយុស្របាលគ្នានោះឡើយ៕ 

ទស្សនារូបភាពទាំងនេះដូចតទៅ៖ 

• ស្រីម៉ុច
• រូបភាព
• តារាខ្មែរ