អង់គ្លេស៖ ពានរង្វាន់កីឡាករបាល់ទាត់ឆ្នើមបំផុតប្រចាំឆ្នាំ ឬហៅថា FIFA World Player of the Year award នៅក្នុងឆ្នាំ ២០១៨ នេះបានអវត្តមានឈ្មោះកីឡាករឆ្នើមចំនួន ៤ នាក់។
ខ្សែប្រយុទ្ធដែលឆ្នើមបំផុតរបស់ក្រុមជម្រើសជាតិប្រេសុីលកីឡាករ Neymar ដែលទទួលបានការចាប់អារម្មណ៍ខ្លាំង បន្ទាប់ពីរូបគេផ្លាស់ទៅកាន់ក្លិប PSG រួចហើយនោះពេលនេះរូបគេគឺគ្មានឈ្មោះនៅក្នុងការដណ្តើមពានរង្វាន់ដ៏អស្ចារ្យមួយនេះទេ។
មិនតែប៉ុណ្ណោះកីឡាករ ៣ រូបសំខាន់ៗផ្សេងទៀតក៏គ្មានឈ្មោះនៅក្នុងការបញ្ជីរបស់ FIFA ដើម្បីឈ្នះពានរង្វាន់ដែលបានបង្កើតឡើងតាំងពីឆ្នាំ ១៩៩១ នេះដែររួមមាន៖
១. Neymar
Neymar គឺជាកីឡាករដែរថ្លៃបំផុតនៅលើពិភពលោកនាពេលបច្ចុប្បន្ននេះ។ ខ្សែប្រយុទ្ធរបស់ក្លិប PSG រូបនេះអាចរកគ្រាប់បាល់បានតែ ២៧ គ្រាប់និងបានជួយអោយមិត្តរួមក្រុមរបស់គេស៊ុតបញ្ចូលទីបាន ១៦ គ្រាប់កាលពីរដូវកាលមុន ប៉ុន្តែរូបគេបានខកខានអស់ជាង ៣ ខែចុងក្រោយនៃរដូវកាលនេះដោយសារតែបញ្ហារបួស។ រឿងដែលមិនគួរឲ្យជឿនេះរូបគេបានបញ្ចប់ទៅក្នុងចំណាត់ថ្នាក់លេខ ៣ ក្នុងឆ្នាំ ២០១៧ កន្លងទៅក្នុងពានរង្វាន់មួយនេះ ប៉ុន្តែក្នុងឆ្នាំ ២០១៨ នេះវិញរូបគេមិនត្រូវបាន FIFA ធ្វើការជ្រើសរើសទៀតនោះទេ។
២. Ivan Rakitic
Ivan Rakitic គឺជាខ្សែបម្រើល្អបំផុតមួយរូបនៅលើពិភពលោកនាពេលបច្ចុប្បន្ន។ កីឡាកររូបនេះធ្លាប់ចូលលេងឲ្យក្លិប Barcelona បាន ៧១ ប្រកួតកាលពីរដូវកាលមុននឹងច្រើនជាងកីឡាករផ្សេងៗទៀត។ គេក៏ជាកម្លាំងសំខាន់មួយរូបផងដែរដោយបានជួយឲ្យក្លិបអ្នកមានបុណ្យមួយនេះឈ្នះពាន La Liga និង Copa del Rey មិនតែប៉ុណ្ណោះថែមទាំងជួយក្រូអាតឲ្យឡើងដល់វគ្គផ្ដាច់ព្រ័ត្រ World Cup ២០១៨ ទៀតផងដែរ។
៣. N’Golo Kante
មិនខុសពី Ivan Rakitic ប៉ុន្មានទេ N’Golo Kante ប្រហែលជាមិនសូវមាននរណាចាប់អារម្មណ៍ទេដោយសារគេមិនមែនជាខ្សែប្រយុទ្ធសុទ្ធបញ្ចូលទី ប៉ុន្តែកីឡាករស្បែកខ្មៅរូបនេះបំពេញតួនាទីយ៉ាងល្អនៅតំបន់បម្រើការពារ ពិសេសការតាមបិទកីឡាករសំខាន់ៗរបស់គូប្រជែងដូចជា Messi កាលលេងប៉ះអាហ្សង់ទីន និងកីឡាករ Lukaku របស់ប៊ែលហ្សិក។ អាចនិយាយបានថាជោគជ័យរបស់បារាំងគឺជាការរួមចំណែកធំរបស់ Kante។
៤. Paul Pogba
Paul Pogba ក៏ជាកម្លាំងសំខាន់នៅតំបន់ការពារក្នុងដំណើរឆ្ពោះទៅជើងឯករបស់បារាំងដែរ។ Pogba ជាដៃគូល្អឥតខ្ចោះរបស់ Kante នៅ World Cup ថែមទាំងជាអ្នកស៊ុតបញ្ចូលទី១គ្រាប់នៅវគ្គផ្ដាច់ព្រ័ត្រថែមទៀតផង។ តែគួរឲ្យស្ដាយកីឡាករមកពី Manchester United គ្មានឈ្មោះសូម្បីបញ្ជី១០នាក់ចុងក្រោយសម្រាប់ពាន FIFA World Player of the Year award៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]