កូរ៉េខាងត្បូង៖ ក្រោយពីបានសំងំលាក់មុខអស់រយៈពេលជាច្រើនឆ្នាំមកនេះ ទីបំផុតតារាចម្រៀងស្រីសំឡេងពីរោះ Park Bom បានសម្រេចចិត្តវិលត្រលប់ចូលសិល្បៈជាថ្មី ជាមួយនឹងទ្រនំថ្មី ផ្ទះថ្មីដែលនាងបានអះអាងថា ជាផ្ទះដ៏កក់ក្តៅ និងធ្វើឲ្យនាងអាចក្រោកឈរលើឆាកតន្រ្តីជាថ្មីម្តងទៀត។
យោងតាមព័ត៌មានចុងក្រោយនេះ បានឲ្យដឹងថា ខណៈពេលនេះ Park Bom កំពុងតែរៀបចំអាល់ប៊ុមទោលថ្មីរបស់នាង ជាមួយនឹងផលិតកម្មថ្មី ដែលនាងទើបតែចុះកុងត្រា គឺផលិតកម្ម D-Nation Entertainment ដែលគេដឹងថា ជាផលិតកម្មដែលទើបនឹងបង្កើតថ្មី ដោយផលិតករល្បីឈ្មោះលោក Scotty Kom និង Creative Director លោក Ray Yeom ដែលអ្នកទាំងពីរមានបទពិសោធន៍ធ្លាប់ធ្វើការ ជាមួយនឹងតារាល្បីៗជាច្រើនដូចជា Kelly Clarkson, Teddy Riley, Chris Brown និង R-Kelly ជាដើម។
គួរឲ្យដឹងផងដែរថា Park Bom គ្រោងនឹងវិលត្រលប់មកវិញ ជាមួយនឹង អាល់ប៊ុមទោល ដែលមានប្រមាណជា៥ទៅ៦បទ នៅដើមខែធ្នូ ឆ្នាំ២០១៨ ខាងមុខនេះហើយ។
នាងក៏សង្ឃឹមថា គ្រប់គ្នានឹងពេញចិត្ត ព្រមទាំងទទួលបានការគាំទ្រពីគ្រប់មជ្ឈដ្ឋាន ទាំងក្នុង និងក្រៅប្រទេសផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
