អង់គ្លេស៖ អ្នកចាំទីក្លិបកាំភ្លើងធំ Arsenal កីឡាករ Petr Čech បានធ្វើឲ្យអ្នកគាំទ្រជាច្រើន ចម្លែកក្នុងចិត្តជាខ្លាំង បន្ទាប់ពីរូបគេបានប្រកួតមិត្តភាពចប់ជាមួយក្លិប Crawley Town ដោយកត់សម្កាល់ឃើញថា អ្នកចាំទីរូបនេះ ហាក់មានសភាពប្រែប្រួលរាងកាយជាខ្លាំង ពិសេសគឺសាច់ដុំដៃរបស់គេតែម្តង។
ជាក់ស្ដែង នៅក្នុងរដូវកាល ២០១៧-១៨ នៃក្របខ័ណ្ឌ Premier League ចាស់ដែលបានបិទបញ្ចប់ទៅ អ្នកចាំទីវ័យ ៣៦ ឆ្នាំរូបនេះ មានមាឌតូចល្មមនោះទេ ចំណែកឯសាច់ដុំដៃរបស់គេវិញ គឺមិនសូវមានប៉ុន្មានដែរ។
ប៉ុន្តែក្រោយពីបញ្ចប់ការប្រកួតមិត្តភាព របស់ក្លិប Arsenal រួចមក កីឡាកររូបនេះ ត្រូវបានគេមើលឃើញថា បានប្រែទៅជាមានមាឌធំ និងពោរពេញទៅដោយសាច់ដុំយ៉ាងគួរឲ្យចម្លែក។
ជាមួយគ្នានេះដែរ អ្នកគាំទ្ររបស់កីឡាកររូបនេះ នៅក្នុងបណ្ដាញសង្គម Twitter បានលើកឡើងបែបកំប្លែងថា៖ «ទំនងជា Petr Cech មិនដើរលេងទៅណាទេ ហើយគេបានចំណាយពេលជាច្រើននៅកន្លែងហាត់ប្រាណ ក្នុងអំឡុងពេលវិស្សមកាលរដូវកាលក្ដៅនេះ» ។
សូមបញ្ជាក់ថា ចាប់តាំងពីអតីតអ្នកចាំទីក្លិបតោខៀវ Chelsea រូបនេះ បានសម្រេចចិត្តមកចូលរួមជាមួយក្លិប Arsenal កាលពីឆ្នាំ ២០១៥ រូបគេបានបង្ហាញខ្លួនឲ្យក្លិបបានចំនួន ១០៣ ប្រកួតរួចមកហើយ។ ខណៈនៅពេលថ្មីៗនេះដែរ ក៏មានពាក្យចចាមអារ៉ាមថា អ្នកចាំទីចាស់វស្សារូបនេះ អាចនឹងត្រលប់ទៅចូលរួមជាមួយក្លិបចាស់រប់គេវិញផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]