រឿងពិតចម្លែកៗទាំង១០យ៉ាង ដែលកើតឡើងចំពោះរាងកាយមនុស្សយើង នៅពេលដែលគេងលង់លក់នៅពេលយប់

រាងកាយរបស់មនុស្សយើងគឺជាប្រព័ន្ធមួយដ៏ស៉ាំញ៉ាំ ដែលពិបាកនឹងធ្វើការបកស្រាយ ថែមទាំងមានរឿងរ៉ាវផ្សេងៗមួយចំនួនទៀតដែលរាងកាយរបស់មនុស្សយើងអាចធ្វើបាន និងពេលខ្លះថែមទាំងចម្លែកៗពិបាកនឹងពន្យល់ទៀតផង។ ដូចជានៅពេលដែលអ្នកគេងលង់លក់ក្នុងដំណេករាល់យប់អ៊ីចឹង វាគឺជាពេលដែលរាងកាយរបស់អ្នកត្រូវការសម្រាក និងសន្សំថាមពលសម្រាប់ធ្វើការងារនៅព្រឹកថ្ងៃថ្មីទៀត តែវាមិនប្រាកដថារាងកាយនៅក្នុងផ្នែកផ្សេងៗរបស់អ្នកមិនធ្វើការឡើយ ជាពិសេសថែមទាំងមានអាការចម្លែកៗផងដែរ ដែលអ្នកខ្លួនឯងមិនបានដឹងខ្លួន។

ដូច្នេះថ្ងៃនេះយើងនឹងលើកឡើងរឿងរ៉ាវមួយចំនួនដែលអាចនឹងកើតឡើងចំពោះរាងកាយរបស់អ្នក រាល់ពេលដែលអ្នកគេងលង់លក់ ៖

១.ស្រកទម្ងន់

នៅពេលដែលអ្នកគេងលក់ រាងកាយអាចដុតបំផ្លាញជាតិខ្លាញ់បានដល់ទៅ ៦០កាឡូរីក្នុងមួយម៉ោង។ បើទោះបីជាកាឡូរីដែលបាត់បង់មិនគ្រប់គ្រាន់នឹងអាចឱ្យអ្នកមានរូបរាងស្គម និងស្លីមលឿនបានតាមចិត្តប្រាថ្នាយ៉ាងណាក៏ដោយ តែការគេងឱ្យបានគ្រប់គ្រាន់អាចជួយធ្វើឱ្យអ្នកមានសុខភាពល្អផងដែរ។

២.ខួរក្បាលដោះស្រាយបញ្ហា

ទោះជាអ្នកគេងលង់លក់ក៏ពិតមែន តែក៏មិនប្រាកដថាផ្នែកផ្សេងទៀតនៃរាងកាយមិនដំណើរការដែរ ដោយគេបានរកឃើញថា នៅពេលដែលអ្នកគេង ខួរក្បាលរបស់អ្នកនៅតែធ្វើការដោយប្រមូលព័ត៌មាន ទិន្និន័យ ឬបញ្ហាផ្សេងៗដែលអ្នកលាក់ទុកនៅពេលថ្ងៃចេញមកទាំងអស់។ ដូច្នេះហើយបានជាពេលខ្លះ ពេលដែលអ្នកក្រោកពីដំណេក អ្នកស្រាប់តែមានដំណោះស្រាយរាល់ការងារ និងការលំបាកផ្សេងៗបានយ៉ាងល្អ។

៣.អ្នកធំធាត់

ទាំងផ្នែករូបរាង និងប្រាជ្ញាស្មារតីរបស់មនុស្សយើងចាប់ផ្តើមលូតលាស់ និងធំធាត់នៅក្នុងពេលដែលគេងនោះឯង ដែលជាហេតុធ្វើឱ្យឪពុកម្តាយតែងតែឱ្យក្មេងតូចៗគេងឱ្យបានយ៉ាងហោចណាស់ ពី ៨ ទៅ៩ម៉ោងក្នុងមួយយប់ ព្រោះវាជាពេលដែលអាចឱ្យរាងកាយចាប់ផ្តើមបញ្ចេញអរម៉ូនដែលជួយធ្វើឱ្យធំធាត់។

៤.ចុចទូរស័ព្ទ

អាការនេះស្រដៀងនឹងការមមើដែរ តែអាការនេះបានកើតឡើងនៅក្នុងយុគ្គសម័យជឿនលឿន ដែលមនុស្សភាគច្រើនប្រើប្រាស់ទូរស័ព្ទដៃជាចម្បង។ នោះក៏ដោយសារតែពេលថ្ងៃអ្នកប្រើប្រាស់ទូរស័ព្ទច្រើនពេកមិនថាតែ និយាយទូរស័ព្ទ លេងទូរស័ព្ទ ឬផ្ញើសារផ្សេងៗនោះទេ វាអាចធ្វើឱ្យអ្នកកើតអាការមមើយកដៃចុចទូរស័ព្ទនៅពេលដែលគេងលង់លក់ និងផ្ញើសារទៅកាន់នរណាម្នាក់ដោយអចេតនាផងក៏ថាបាន។ ដូច្នេះរាល់ពេលគេងលក់ គួរចៀសវាងដាក់ទូរស័ព្ទក្រោមខ្នើយ ឬជិតខ្លួនជាដាច់ខាត។

៥.កើតអារម្មណ៍ផ្លូវភេទ

នៅពេលដែលអ្នកគេងលក់ រាងកាយនឹងចាប់ផ្តើមផលិតអុកស៊ីហ្សែន និងបង្កើនចលនាលំហូរឈាម ហើយដំណើរលំហូរឈាមចុះទៅក្រោមនេះហើយ បានធ្វើឱ្យរាងកាយទាំងមនុស្សប្រុស និងមនុស្សស្រីកើតមានអារម្មណ៍ផ្លូវភេទឡើង។ បន្ថែមពីនេះគេក៏បានរកឃើញថា មានមនុស្សមួយចំនួនថែមទាំងបានធ្វើការរួមភេទក្នុងពេលដែលកំពុងតែគេងលក់ផងដែរ។

៦.ឮសំឡេងក្នុងត្រចៀក

មនុស្សភាគតិចណាស់ ដែលអាចកើតមានអាការចេះតែឮសំឡេងរំខាននៅក្នុងខួរក្បាលនៅពេលគេងលក់។ ដែលអ្នកខ្លះថែមទាំងឮសំឡេងប្លែកៗបែបនេះនៅពេលដែលរៀបគេង និងពេលក្រោកពីគេងផងដែរ។ តាមការសិក្សាស្រាវជ្រាវបានរកឃើញថា អ្នកដែលឧស្សាហ៍ជួបអាការបែបនេះជាញឹកញយ អាចជាសញ្ញានៃការកើនហានិភ័យនៃអាការស្រ្តេស និងជំងឺធុញថប់អារម្មណ៍ដែលអាចបង្កជាជំងឺផ្លូវចិត្តបាន។

៧.មមើនិយាយ

តាមការសិក្សាបានបង្ហាញថា មានមនុស្សដល់ទៅ៥ភាគរយកើតមានអាការមមីមមើនិយាយម្នាក់ឯងនៅពេលយប់។ ដោយភាគច្រើននិយាយជាពាក្យសន្ទនា ជាសំណួរ ឬពេលខ្លះនិយាយស្តីស្តាប់មិនបានមិនដឹងថាមាននន័យថាម៉េចទៀតផង។

៨.ដើរខ្យល់ (ផោម)

នៅពេលដែលអ្នកគេងលក់ សាច់ដុំរាងកាយរបស់អ្នកទាំងអស់ក៏សម្រាកដែរ បូករួមទាំងសាច់ដុំដែលប្រឹងជួយទប់ផោមនៅពេលដែលអ្នកមានសកម្មភាពជាប្រចាំថ្ងៃ។ តែនៅពេលដែលអ្នកគេងលក់ រាងកាយរបស់អ្នកងាយនឹងដើរខ្យល់ណាស់ ដែលជាហេតុធ្វើឱ្យអ្នកផោមជាញឹកញាប់ដោយមិនដឹងខ្លួនរាល់ពេលគេងលក់ផងដែរ។

៩.ផ្នែករាងកាយមួយចំនួនពិការ(មិនអាចធ្វើចលនា)

នៅពេលដែលអ្នកគេងលក់ ភាគច្រើនគេហៅថាជាការស្លាប់រយៈពេលខ្លី ដែលជាហេតុធ្វើឱ្យអ្នកលែងដឹងខ្លួន ថែមទាំងផ្នែករាងកាយមួយចំនួនស្ពឹកស្រពន់ និងមិនដំណើរការផងដែរ។ នោះក៏ដោយសារតែពេលដែលអ្នកគេងលក់អ្នកអាចនឹងយល់សប្តិ ឬខួរក្បាលបញ្ជាឱ្យធ្វើអ្វីមួយដែលហៅថាអាការមមើ ដូច្នេះប្រសិនជារាងកាយរបស់អ្នកអាចកម្រើកបាន ឬមានសកម្មភាពបាននោះ វាមិនត្រឹមតែអាចរំខានដល់អ្នកដែលគេងជិតខ្លួនទេ តែវាអាចបង្កឱ្យអ្នកមានគ្រោះថ្នាក់ទៀត។

១០.ខួរក្បាលបោះបង់រឿងឥតប្រយោជន៍

អ្នកមានដឹងទេថា ខួរក្បាលរបស់អ្នកមានផ្ទុកនូវការចងចាំ និងព័ត៌មានច្រើនខ្លាំងណាស់ក្នុងមួយថ្ងៃៗ ដែលស្ទើរតែអាចមានផលប៉ះពាល់ដល់ខួរក្បាលបាន។ ដូច្នេះហើយនៅពេលដែលអ្នកគេងលង់លក់ ខួរក្បាលបានចាប់ផ្តើមធ្វើការលុបទិន្នន័យ ឬបញ្ហាមួយចំនួនដែលគ្មានប្រយោជន៍ចេញពីខួរក្បាលរបស់អ្នក ដែលជាហេតុធ្វើឱ្យអ្នកអាចនឹងភ្លេចរឿងរ៉ាវមួយចំនួនតូច ថែមទាំងអាចស្តារទិន្នន័យខួរក្បាលឱ្យផ្ទុក ឬចងចាំរឿងថ្មីៗដែលមានប្រយោជន៍ផងដែរ៕