សប្បាយក្លាយជាទុក្ខ! អ្នកគាំទ្របារាំងពីរនាក់បាត់បង់ជីវិត ក្រោយពីជម្រើសជាតិឈ្នះពាន World Cup

បារាំង៖ អ្នកគាំទ្រជម្រើសជាតិបារាំងពីរនាក់ត្រូវបានបាត់បង់ជីវិត ក្រោយពីភាពចលាចលបានកើតមានឡើង ក្នុងពិធីអបអរសាទរជម្រើសជាតិរបស់ខ្លួនបានឈ្នះពាន World Cup ជាលើកទីពីរក្នុងប្រវត្តិសាស្ត្រ។

ការប៉ះទង្គិចគ្នានេះបានកើតមានឡើង ក្រោយពីប៉ូលីសមិនអាចគ្រប់គ្រងស្ថានភាពកម្មវិធីអបអរសាទររបស់អ្នកគាំទ្រជម្រើសជាតិបារាំងបានបន្តទៅទៀតបាន។ 

ភាពចល្លាចលដ៏អាក្រក់បែបនេះបានកើតនៅកណ្តាលក្រុង Paris ជាពិសេសគឺនៅលើផ្លូវ Champs Elysees ដែលផ្លូវនេះជាទីកន្លែងជួបជុំគ្នារបស់អ្នកចង់ទស្សនាប្រកួតរវាងក្រុមបារាំងនិងក្រូអាត។

បើយោងតាមរបាយការណ៍បឋមរបស់ប៉ូលីសក្រុង Paris បានបង្ហាញថា យ៉ាងតិចណាស់ជនស៊ីវិលពីរនាក់ត្រូវបានបាត់បង់ជីវិត ហើយជាង៣០០នាក់ត្រូវបានរងរបួសក្នុងការប៉ះទង្គិចរវាងប៉ូលីសនិងអ្នកគាំទ្របាល់ទាត់នេះ។ 

យ៉ាងណាមិញ ប៉ូលីសបានគ្រប់គ្រងស្ថានភាពទាំងស្រុងបានហើយ ដោយប៉ូលីសប្រកាសនឹងតាមចាប់ខ្លួនមនុស្សប្រហែលជាង៣០នាក់ ពីបទបង្កភាពអាណធិបតេយ្យនេះ ហើយពួកគេប្រឈមមុខនឹងការពិន័យដ៏ធ្ងន់ធ្ងរ ឬក៏អាចជាប់ពន្ធនាគារបន្ថែមទៀតផងដែរ៕