បរទេស៖ អតីតមិត្ដរួមក្រុមរបស់កំពូលខែ្សប្រយុទ្ធ Cristiano Ronaldo លោក Ryan Giggs ជឿថា ការសម្រេចចិត្ដចាកចេញពីក្រុម Real Madrid ទៅកាន់ក្រុម Juventus របស់ប្រធានក្រុមជម្រើសជាតិព័រទុយហ្គាល់នេះ គឺជាការប្រកួតប្រជែងថ្មីរវាងរូបគេ និង Lionel Messi។
ការពិភាក្សាវែកញែកក្នុងការស្វែងរកថាតើកីឡាករមួយណា ដែលជាកីឡាករល្អជាងគេនោះ នឹងត្រូវបានបញ្ចប់ក្រោយពី Messi និង Ronaldo លែងបានប្រកួតគ្នាក្នុងលីក ប៉ុន្ដែវីរបុរសរបស់ក្រុមបិសាចក្រហម Manchester United គិតថា ការផ្លាស់ទៅលេងនៅទឹកដីអ៊ីតាលី គឺជាបន្ថែមនូវការប្រជែងគ្នាជាបន្ដទៀតរវាងពួកគេទាំងពីរ។
គ្រូបង្វឹកក្រុមជម្រើសជាតិវែលនេះ បាននិយាយថា៖ «Cristiano ចូលចិត្ដណាស់ ក្នុងការប្រជែងជាមួយ Messi។ ពេលនេះ គេមានប្រវត្ដិធ្លាប់ឈ្នះអ្វីៗគ្រប់យ៉ាងនៅអង់គ្លេស ឈ្នះនៅអេស្ប៉ាញ និងជាមួយក្រុមជម្រើសជាតិរបស់គេ។ ដូច្នេះហើយ គេចង់និយាយថា រូបគេនឹងធើ្វវាតទៅទៀតនៅអ៊ីតាលី។ Ronaldo នឹងយកការប្រជែងជាមួយ Messi ធើ្វជាវិធីមួយដើម្បីឲ្យរូបគេខំប្រឹងប្រែង ដើម្បីឈ្នះអ្វីៗគ្រប់យ៉ាងជាមួយក្លិបថ្មីរបស់គេគឺ Juventus»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]