អេស្ប៉ាញ៖ ក្រោយពីដំណឹងជុំវិញអនាគតរបស់ Cristiano Ronaldo បានផ្ទុះពេញពិភពលោកនឹងត្រូវបានគេចាប់អារម្មណ៍សឹងតែខ្លាំងជាង World Cup នៅរុស្ស៊ីទៅទៀត ពេលនេះជំនួយការរបស់ខ្សែប្រយុទ្ធ Cristiano Ronaldo លោក Jorge Mendes បានចេញមុខបកស្រាយហើយ។
ក្រោយពីក្លិប Juventus បានដាក់សំណើ ១០០ លានអឺរ៉ូ(ជាង១១៦ លានដុល្លារអាមេរិក) ដើម្បីទិញយក Ronaldo ពី Real Madrid លោក Mendes ក៏បាននិយាយប្រាប់សារព័ត៌មាន Marca ថា៖ «ប្រសិន Cristiano Ronaldo ពិតជាចាកចេញពីក្លិប Real Madrid មែន គេនឹងធ្វើការសម្ដែងការគោរពដឹងគុណជារៀងរហូតដល់ក្លិប ប្រធានក្លិប ក្រុមទាំងមូល ក្រុមគ្រូពេទ្យ ព្រមទាំងអ្នកគាំទ្រទាំងអស់ទូទាំងពិភពលោកហើយ។ បើមានការចាកចេញពិតមែន គឺមកពី Ronaldo ចង់បានដំណាក់កាល និងការប្រកួតប្រជែងថ្មីមួយទៀត ក្នុងអាជីពដ៏ជោគជ័យរបស់គេ»។
គួរឲ្យដឹងផងដែរថា នៅយប់មិញនេះ អតីតថ្នាក់ដឹកនាំ Juventus ម្នាក់ក៏បានបង្ហើបដែរថា បន្ទាប់ពីបាននិយាយជាមួយមនុស្សសំខាន់ៗមួយចំនួន លោកយល់ឃើញថា Ronaldo ពិតជាបានចុះកុងត្រារួចរាល់ហើយ ជាមួយក្លិបយក្សអុីតាលីមួយនេះ។
សូមបញ្ជាក់ថា ខ្សែប្រយុទ្ធក្លិប Real Madid រូបនេះបានចូលរួមជាមួយក្លិបអធិរាជសរ Real Madrid កាលពីឆ្នាំ ២០០៩ ដោយក្នុងរយៈពេល ៩ ឆ្នាំនៅជាមួយក្លិប កីឡាកររូបនេះអាចស៊ុតបញ្ចូលទីបាន ៤៥០គ្រាប់ ក្នុងការបង្ហាញខ្លួន ៤៣៨ លើក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]