បរទេស៖ សហព័ន្ធបាល់ទាត់ពិភពលោក ដែលហៅកាត់ថា FIFA បានសម្រេចប្រកាសផ្លាស់ប្ដូរលក្ខខណ្ឌមួយចំនួន ក្នុងការជ្រើសរើសកីឡាករល្អជាងគេប្រចាំឆ្នាំ (The Best player award) ដោយជម្រុះបេក្ខភាពពី ២៣ នាក់ មកនៅត្រឹម ១០ នាក់វិញ។
ពានរង្វាន់ដែលមានឈ្មោះថា The Best player award មាន ២ ផ្នែក គឺមានទាំងពានសម្រាប់ផ្នែកបុរសនិងផ្នែកស្រ្ដីី។ ហើយបេក្ខភាពផ្នែកបុរស និង ផ្នែកស្ត្រីទាំង ១០ នាក់នៃពាន The Best player award នោះ នឹងត្រូវជ្រើសរើសចំនួន ១៣ កន្លែងរួមមាន គ្រូបង្វឹក, ប្រធានក្រុមជម្រើសជាតិ, សារព័ត៌មាន, អ្នកគាំទ្រ នឹងផ្សេងៗទៀត។
គួរឲ្យដឹងផងដែរថា អតីតវីរបុរសប្រេស៊ីលកីឡាករ Ronaldo, អតីតជម្រើសអង់គ្លេស Frank Lampard នឹងលោក Fabio Capello ក៏ធ្លាប់ជាមនុស្សសំខាន់ក្នុងការជ្រើសរើសផងដែរ។
សូមបញ្ជាក់ថា ការបោះឆ្នោតជ្រើសរើស នឹងចាប់ផ្ដើមពីថ្ងៃទី ២៣ ខែ កក្កដា ឆ្នាំ ២០១៨ ដល់ថ្ងៃទី ១០ ខែ សីហា ឆ្នាំ ២០១៨។
សម្រាប់បេក្ខជនដែលឈ្នះ នឹងត្រូវប្រកាសនៅក្នុងកម្មវិធី The Best FIFA Football Awards ដែលរៀបចំនៅថ្ងៃទី ២៤ ខែ កញ្ញា ឆ្នាំ ២០១៨ ក្នុងទីក្រុងឡុងដ៍ប្រទេសអង់គ្លេស។
ចំពោះកម្មវិធីនេះ សហ័ពន្ធបាល់ទាត់ពិភពលោក ទើបតែរៀបចំបាន ២ ឆ្នាំប៉ុណ្ណោះ ខណៈដែល The Best player award ផ្នែកបុរសបានទៅលើកីឡាករ Cristiano Ronaldo ទាំង ២ ដង នឹងចំពោះផ្នែកនារីបានទៅលើកីឡាការិនី Carli Lloyd៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]