ស្ងាត់ៗ សាសា ក្លាយជាថៅកែស្រី ដល់ទៅ៣មុខជំនួញ ក្នុងពេលតែមួយ

ភ្នំពេញ ៖ អតីតតារាចម្រៀងសាច់សខ្ចីកញ្ញា សាសា បានស្ងាត់បាត់មុខពីវិស័យសិល្បៈអស់រយៈពេលជាច្រើនឆ្នាំ ជាហេតុធ្វើឲ្យមហាជន នឹករលឹកទឹកដមសម្លេងរបស់នាងជាខ្លាំង។

យ៉ាងណាមិញ អ្វីដែលចាប់គួរឲ្យអារម្មណ៍ នាពេលបច្ចុប្បន្ននេះ អតីតតារាចម្រៀងស្រី កញ្ញាសាសា បានក្លាយជាថៅកែស្រី ដែលស្ទើរតែមិនជឿថា នាងអាចក្ដោបក្តាប់ហាងជាច្រើន ក្នុងរយៈពេលដ៏ខ្លី បន្ទាប់ពីនាងបានផ្អាកពីសិល្បៈ។

ជាក់ស្ដែង នៅក្នុងនោះដែរ តារាចម្រៀងស្រីរូបនេះ បានបើកហាង៣ធំៗ នៅក្នុងរាជធានីភ្នំពេញ ដោយក្នុងនោះមានភោជនីយដ្ឋានមួយ កន្លែងហាត់ប្រាណ និង​ហាងកែសម្ផស្សដ៏ធំមួយ ដែលមានអតិថិជនគាំទ្រខ្លាំងមិនធម្មតានោះទេ បើទោះបីជាហាងទាំងនោះ ទើបតែបើកឲ្យដំណើរការក៏ដោយក្ដី ។

ជាមួយគ្នានេះដែរ ក៏មានមហាជនជាច្រើន បានសម្ដែងការអបអរសាទរ និងជាពិសេសបានលាន់មាត់សរសើរតារាស្រីរូបនេះថា មិនត្រឹមតែរូបសម្រស់ស្រស់ស្អាតប៉ុណ្ណោះទេ ថែមទាំងមានសមត្ថភាព ក្នុងការបើកហាង ជាច្រើនកន្លែង រួមទាំងទទួលបានជោគជ័យខ្លាំងថែមទៀតផង ៕ 

• សាសា(តារាចម្រៀង)
• តារាខ្មែរ