ថៃ: កាលពីពេលរសៀលមិ្សលមិញនេះ តារាស្រីសុិចសុីវ័យក្មេង Manow Sutthiprapa ដែលបានកើតមាននូវជំងឺមហារីកដំណាក់កាលធ្ងន់ធ្ងរ បានទទួលមរណភាព នៅឯមន្ទីរពេទ្យមួយកន្លែងក្នុងស្រុក ដែលនាងបានសម្រាកព្យាបាលអស់មួយរយៈពេលមក។
ហើយមកទល់ដល់ពេលនេះ សាកសពរបស់នាង ក៏កំពុងតែត្រូវបានក្រុមគ្រួសារចាត់ចែងរៀបចំទៅតាមប្រពៃណីទំនៀមទម្លាប់ ផងដែរ។ ស្របពេលជាមួយគ្នានេះដែរ សម្រាប់នាពេលព្រឹកនេះ ក៏មានវត្តមានរបស់មិត្តភក្តិរួមអាជីព ព្រមទាំងអ្នកស្គាល់រាប់អាននាងជាច្រើន បាននាំគ្នាមកចូលរួមចែករំលែកទុក្ខ ចំពោះការចាកចេញរបស់នាងយ៉ាងរហ័សបែបនេះជាច្រើននាក់ ថែមទៀតផងដែរ។
គួរបញ្ជាក់ផងដែរថា នាងបានធ្លាក់ខ្លួនឈឺធ្ងន់ធ្ងរ កាលពីពេលប៉ុន្មានខែមុននេះ ហើយក៏ត្រូវបានក្រុមគ្រូពេទ្យរកឃើញថា នាងមានផ្ទុកនូវជំងឺមហារីកស្បូន ដំណាក់កាលចុងក្រោយ ដោយអាចសង្ឃឹមរស់បន្ត ត្រឹមតែរយៈពេលមួយខ្លី តែប៉ុណ្ណោះ។
ហេតុដូច្នោះហើយ ការចាកចេញរបស់នាង ទាំងនៅវ័យក្មេងបែបនេះ ក៏ជាការដែលធ្វើឲ្យក្រុមគ្រួសាររបស់នាង សោកស្តាយ និងទុក្ខសោកជាខ្លាំង ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]