រាជធានីភ្នំពេញ ៖ បុរសម្នាក់វ័យ៦៦ឆ្នាំអត់សូវស្រួលខ្លួនបានចូលទៅម៉ាស្សា ស្រាប់តែគាំងបេះដូងស្លាប់តែម្តង ហេតុការណ៍នេះបង្កឱ្យមានផ្អើលទៅដល់សមត្ថកិច្ច រួមនឹងប្រជាពលរដ្ឋមកចោមរោមមើលយ៉ាងច្រើនកុះករកាលពីម៉ោង៥និង៣០នាទីល្ងាច ថ្ងៃទី២៤ ខែមិថុនា ឆ្នាំ២០១៨ នៅតាមបណ្តោយផ្លូវ៨០ ចំណុចផ្ទះម៉ាស្សាមួយកន្លែងគ្មានលេខ ស្ថិតក្នុងសង្កាត់ស្រះចក ខណ្ឌដូនពេញ ។
ជនរងគ្រោះខាងលើមានឈ្មោះ មុំ គង់ ភេទប្រុស អាយុ៦៦ឆ្នាំ មានស្រុកកំណើតនៅភូមិទួលខ្សាច់ ឃុំកោះសូទិន ស្រុកកោះសូទិន ខេត្តកំពង់ចាម ។
បើតាមប្រភពពីសាក្សីដែលគេឃើញហេតុការណ៍បានឱ្យដឹងថា មុនពេលកើតហេតុគេឃើញជនរងគ្រោះចូលទៅម៉ាស្សា ប៉ុន្តែមិនដឹងថា គាត់មានជំងឺរើឡើង ឬមួយគាត់ឈឺអត់សូវស្រួលខ្លួនបានជាចូលទៅម៉ាស្សានៅហាងម៉ាស្សាផ្លូវ៨០នោះឬយ៉ាងណាទេ ស្រាប់តែដេកស្លាប់តែម្តង ដោយសង្ស័យថាគាំងបេះដូងស្លាប់ ទើបបង្កឱ្យមានការភ្ញាក់ផ្អើលទៅដល់សមត្ថកិច្ច រួមនឹងប្រជាពលរដ្ឋនាំគ្នាចោមរោមមើល ។ ប៉ុន្តែប្រជាពលរដ្ឋបាននិយាយថា ជនរងគ្រោះដែលស្លាប់ខាងលើនេះ មិនមែនចូលទៅម៉ាស្សានោះទេ គឺចូលទៅរួមរ័កទើបស្លាប់បែបនេះ ។
ក្រោយពេលកើតហេតុ សមត្ថកិច្ចបានធ្វើកោសល្យវិច្ច័យ រួចប្រគល់ឲ្យសាច់ញាតិយកទៅធ្វើបុណ្យតាមប្រពៃណី ៕
ប្រភព៖ kohsantepheapdaily
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
