ខេត្តកំពង់ធំ ៖ បើតាមសេចក្តីរាយការណ៍បានឱ្យដឹងថា បុរសម្នាក់ព្រោះតែខឹងគេវាយឆ្កែរបស់ ស្រាប់តែយកកាំបិតមកចាក់ជនរងគ្រោះបណ្តាលឱ្យរបួស ហេតុការណ៍នេះបានកើតឡើងកាលពីម៉ោង៨នាទីយប់ ថ្ងៃទី២១ មិថុនា២០១៨ នៅចំណុចប្រឡាយដាច់ ស្ថិតក្នុងភូមិត្រពាំងត្រុំ ឃុំទីពោរ ស្រុកសន្ទុក។
យោងតាមសមត្ថកិច្ចបានឲ្យដឹងថា ជនបង្កខាងលើឈ្មោះ ភីន ធុយ ភេទប្រុស អាយុ៣២ឆ្នាំ ជាកម្មករដើរស្ទួចផ្ទះ រស់នៅភូមិសង្គមថ្មី ឃុំតាំងក្រសាំង ស្រុកសន្ទុក ចំណែកជនរងគ្រោះឈ្មោះ ផ្លោក ភាត់ ភេទប្រុស អាយុ៣៥ឆ្នាំ រស់នៅភូមិសង្គមថ្មី ឃុំជាមួយគ្នា។
សមត្ថកិច្ចបន្តថា មុនកើតហេតុ បុរសជាជនបង្កមានគំនុំនឹងជនរងគ្រោះ ដោយខឹងដែលជនរងគ្រោះវាយសត្វឆ្កែរបស់ខ្លួន ក្រោយមកក៏បានយកកាំបិតទៅចាក់លើជនរងគ្រោះបណ្តាលឱ្យរងរបួសចំនួន៣កន្លែង គឺចំត្រង់ក្រោមឃ្លៀកឆ្វេង១កន្លែង ចំកំភួនដៃឆ្វេងខាងក្រោយ១កន្លែង និងចំកែងដៃឆ្វេង១កន្លែងតែម្តង ។
ក្រោយកើតហេតុសមត្ថកិច្ចបានឃាត់ខ្លួនជនសង្ស័យមកសួរនាំ ហើយជនសង្ស័យបានប្រាប់សមត្ថកិច្ចថា រូបគេចាក់ជនរងគ្រោះដោយសារតែមានគំនុំខឹងនឹងជនរងគ្រោះដែលវាយឆ្កែរបស់គេ បន្ទាប់សាកសួររួចសមត្ថកិច្ចបាននាំខ្លួនជនបង្ក និងវត្ថុតាងបញ្ជូន មកកាន់អធិការដ្នាននគរបាលស្រុកសន្ទុក ដើម្បីកសាងសំណុំរឿងចាត់ការតាមនីតិវិធីច្បាប់៕
ប្រភព៖ kohsantepheapdaily
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
