ស្រីស្អាត Jennie បំបែកកំណត់ត្រាជាតារាKpopស្រី ដែលមានគេចុចFollow លឿនដូចផ្លេកបន្ទោរ២លាននាក់ តែ៣ថ្ងៃ!

កូរ៉េខាងត្បូង៖ ថ្មីៗនេះ ស្រីស្អាត Jennie សមាជិកក្រុមចម្រៀងនារីល្បីឈ្មោះ Blackpink បានបំបែកកំណត់ត្រា ដ៏គួរឲ្យភ្ញាក់ផ្អើលមួយ និងមិនធ្លាប់មានតារាKpopស្រី រូបណាអាចធ្វើបានពីមុនមក ពោលគឺគ្រាន់តែបង្កើតគណនីអ៊ីនស្តារក្រាមថ្មី បានរយៈពេលត្រឹមតែ៣ថ្ងៃសោះ Jennie ទទួលបានចំនួនអ្នកចុចFollowers រហូតដល់ទៅជាង២លាននាក់ឯណោះ។

គួរឲ្យដឹងថា កាលពីថ្ងៃទី១៥ ខែមិថុនាកន្លងនេះ សមាជិកស្រីទាំង៤របស់ក្រុម Blackpink គឺ Jennie, Lisa, Rose និង Jisoo បានបង្កើតគណនីអ៊ីនស្តារក្រាមថ្មីផ្ទាល់ខ្លួនម្នាក់មួយៗ ដើម្បីPromote និងអបអរការវិលត្រឡប់មកវិញ ជាមួយបទចម្រៀងរបស់ខ្លួន «DDU-DU DDU-DU”។

មិនតែប៉ុណ្ណោះ ក្នុងនោះសមាជិកនីមួយៗ ក៏បានបង្ហោះរូបថតផ្ទាល់ខ្លួន នៅលើគណនីអ៊ីនស្តារក្រាមរបស់គេផងដែរ ដោយគេសង្កេតឃើញថា រាល់រូបថតរបស់ពួកគេ សុទ្ធសឹងតែទទួលបានការLike ពេញចិត្តពីសំណាក់អ្នកគាំទ្រ ជាង១លាននាក់ឯណោះ៕  

• យុវវ័យ
• តារាកូរ៉េ