រូបសំណាក់ Ronaldo នៅព្រលានយន្ដហោះ Madeira ត្រូវបានគេប្ដូរថ្មីវិញ

បរទេស៖ រូបសំណាក់របស់ខែ្សប្រយុទ្ធឆ្នើម Cristiano Ronaldo ដែលដាក់តាំងនៅប្រលានយន្ដហោះ Madeira ត្រូវបានគេប្ដូរចេញថ្មីវិញ។

រូបសំណាក់ចាស់ដែលត្រូវបានគេប្ដូរចេញនោះ ត្រូវបានមនុស្សទូទាំងពិភពលោកមានការសើចចំអកយ៉ាងខ្លាំង ក្រោយពីរូបនេះមានលក្ខណៈមិនសមទៅនឹងទម្រង់មុខរបស់ម្ចាស់ពាន Ballon d’Or ៥សម័យ ដែលបានដាក់បង្ហាញកាលពីឆ្នាំមុន។  

វិចិត្រករ Emanuel Santos បានដាក់បង្ហាញសាកល្បងនូវរូបសំណាក់ថ្មីរបស់ Ronaldo និងបានចំណាយពេលអស់ ៣សប្ដាហ៍ ក្នុងការសាកល្បងគម្រោងនេះ ខណៈដែលរូបសំណាក់ចាស់បានដាក់បង្ហាញជាផ្លូវការនោះ គឺក្នុងគោលបំណងលើកតំកើនកតិ្ដយស ក៏ដូចជាលើកមុខមាត់របស់ Ronaldo កាលពីខែមិនា ឆ្នាំ២០១៧៕