មេរុស្ស៊ី ទូរស័ព្ទទៅអបអរក្រុមក្រោយលុតអារ៉ាប៊ីសាអ៊ូឌីតចាស់ដៃយប់មិញ

រុស្ស៊ី៖ ប្រធានាធិបតីរុស្សីលោក Vladimir Putin បានទូរស័ព្ទទៅកាន់គ្រូបង្វឹកក្រុមជម្រើសជាតិរុស្ស៊ី Stanislav Cherchesov ដោយលោកបានអបអរសាទរនឹងជ័យជម្នះមួយនេះ ក្រោយពីបញ្ចប់ការប្រកួតដោយរុស្សីបានលុតក្រុមអារ៉ាប៊ីសាអ៊ូឌីតក្នុងលទ្ធផល ៥ ទល់នឹង ០ ក្នុងការប្រកួតបើកឆាក World Cup។

គ្រូបង្វឹកក្រុមរុស្សុីរូបនេះបានបន្ថែមថាលោក Putin បានស្នើលោកឱ្យរក្សាទម្រង់លេងរបស់ក្រុមឱ្យដូចអ្វីដែលពួកគេបានប្រកួតជាមួយនឹង អារ៉ាប៊ីសាអ៊ូឌីត ដែលមានអ្នកទស្សនាផ្ទាល់ជិត ៨ ម៉ឺននាក់នៅកីឡដ្ឋាន Luzhniki ក្រោមអធិបតីភាពរបស់លោក Putin និងព្រះមហាក្សត្រអារ៉ាប៊ីសាអ៊ូឌីត។

គួរឲ្យដឹងផងដែរថាកាលពីយប់មិញនេះ អារ៉ាប៊ីសាអ៊ូឌីត បានរងបរាជ័យយ៉ាងធ្ងន់ធ្ងរពីសំណាក់ម្ចាស់ផ្ទះរុស្សុី ទោះបីជាពួកគេព្យាយាមយ៉ាងណាក្តី ក៏នៅតែមិនអាចទំលុះសំណាញ់ទីរបស់ក្រុមម្ចាស់ផ្ទះបានឡើយ។

បើក្រឡែកទៅមើលចំណាត់ថ្នាក់ក្នុង FIFA Ranking ឃើញថា រុស្សុី នៅក្រោម អារ៉ាប៊ីសាអ៊ូឌីត ចំនួន ៣ លេខតែពួកគេអាចយកឈ្នះក្រុមដែលឈរលើពួកគេបានដែលនេះជារឿងដែលអស្ចារ្យមួយសម្រាប់ម្ចាស់ផ្ទះ World Cup លើកនេះ៕