រាជធានីភ្នំពេញ ៖ ឈាមស្រែកស្បែកហៅឃាតករបាតដៃប្រឡាក់ឈាមអ្នកស្លូត ត្រង់តែងគេចមិនរួចពីការចូលដេកគុកទេ គ្រាន់តែយូរឬឆាប់ប៉ុណ្ណោះ។ ជាក់ស្តែងជនសង្ស័យជាឃាតករម្នាក់ទៀតត្រូវបានចាប់ខ្លួនពីបទ វាយសម្លាប់គូស្នេហ៍វ័យក្មេងនៅក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីថ្ងៃទី១៦ មករា កន្លងមក នៅចំណុចវាលស្រែផ្លូវលំក្នុងភូមិដំណាក់ សង្កាត់ភ្នំពេញថ្មី ខណ្ឌសែនសុខ បន្ទាប់ពីប៉ូលិសព្រហ្មទណ្ឌខណ្ឌសែនសុខតាមប្រមាញ់អស់រយៈពេល ជិត២ខែទើបស្រាវជ្រាវចាប់ខ្លួនបាន។
តាមរយៈប្រជាពលរដ្ឋល្អផ្តល់ដំណឹងពីជន សង្ស័យនៅថ្ងៃទី១១ មីនា វេលាម៉ោង១០និង៣០នាទីព្រឹក កម្លាំងប៉ូលិសប៉ុស្តិ៍ភ្នំពេញថ្មីនិងប៉ូលិសព្រហ្មទណ្ឌខណ្ឌសែន សុខ សហការជាមួយប៉ូលិសជំនាញនៃអធិការដ្ឋានខណ្ឌពោធិ៍សែនជ័យ បានចាប់ខ្លួនជនសង្ស័យជាឃាតករម្នាក់ទៀតនៅចំណុចភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ ។ ជននេះឈ្មោះទូច សុធា ហៅធន ភេទប្រុស អាយុ៣៣ឆ្នាំ ជាកម្មករសំណង់ ស្នាក់នៅបុរីសន្តិភាព២ ភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ ត្រូវបានប៉ូលិសព្រហ្មទណ្ឌខណ្ឌសែនសុខចាប់ខ្លួនដោយយោងតាម ដីកាលេខ១០១ តព្រ ចុះថ្ងៃទី២ ខែមីនា របស់ចៅក្រមស៊ើបសួរសាលាដំបូងរាជធានីភ្នំពេញពីបទឃាតកម្ម គិតទុកជាមុន ។ ទោះជាយ៉ាងណា ជននេះបានស្រក់ទឹកភ្នែកនៅចំពោះមុខអ្នកកាសែតដោយនិយាយយំខ្សឹក ខ្សួលថា ខ្លួនមិនមែនជាជនដៃដល់សម្លាប់គូស្នេហ៍នេះទេ តែបក្សពួកឈ្មោះមោង និងឈ្មោះចាន់ថា ជាជនដៃដល់ ដោយខ្លួនគ្រាន់តែជាអ្នកយកទូរស័ព្ទដៃប្រភេទណូគៀពីស្ត្រី រងគ្រោះជាសង្សាររបស់ជនរងគ្រោះដែលបក្សពួកខ្លួនបាន សម្លាប់តែប៉ុណ្ណោះ ។
ប៉ូលិសព្រហ្មទណ្ឌខណ្ឌសែនសុខបានឱ្យដឹងថា ឈ្មោះទូច សុធា ហៅធន នេះជាជនដៃដល់ពិតប្រាកដព្រោះគេបានឆ្លើយសារភាពអស់ហើយ ហើយការឆ្លើយដោះសាពេលនេះគង់តែឃើញការពិតនៅពេលដែលសមត្ថកិច្ចតាម ប្រមាញ់ចាប់បក្សពួកគេបានថែមទៀត ។ ប៉ូលិសបានបង្ហើបឱ្យដឹងថា បក្សពួកចោរប្លន់ទាំងនេះគឺដើរសម្លាប់គូស្នេហ៍ប្លន់យកម៉ូតូជា ច្រើនករណី ហើយអាចជាប់ពាក់ព័ន្ធដល់ការសម្លាប់គូស្នេហ៍ជាសន្ដិសុខសណ្ដាប់ ធ្នាប់សង្កាត់ភ្នំពេញថ្មីនោះផងដែរ ។ ពាក់ព័ន្ធករណីសម្លាប់គូស្នេហ៍វ័យក្មេងខាងលើ លោកម៉ក់ ហុង អធិការប៉ូលិសខណ្ឌសែនសុខបានប្រាប់កោះសន្ដិភាពថា ជនសង្ស័យជាប់ពាក់ព័ន្ធ៣នាក់ទៀតត្រូវបានតុលាការចេញដីកាបង្គា ប់ឱ្យចាប់ខ្លួន ក្នុងនោះជនសង្ស័យ២នាក់ត្រូវបានតុលាការបង្គាប់ឱ្យប៉ូលិសខណ្ឌសែន សុខ តាមប្រមាញ់ចាប់ ឯជនសង្ស័យម្នាក់ទៀតតុលាការបង្កាប់ឱ្យប៉ូលិសខណ្ឌពោធិ៍សែនជ័យជា អ្នកតាមប្រមាញ់ចាប់ផងដែរ ។ ទោះបីបែបណាលោកបានសន្យាថានឹងតាមប្រមាញ់ចាប់ជនដៃដល់ទាំង២ នាក់យកមកផ្ដន្ទាទោសឱ្យទាល់តែបាននៅថ្ងៃណាមួយ ដែលនេះជាការប្តេជ្ញាចិត្តរបស់លោកអធិការម៉ក់ ហុង ។
គួររំលឹកថា គូស្នេហ៍វ័យក្មេង១គូដែលកំពុងអង្គុយសាសងកៀកកើយគ្នានាពេលរាត្រី នៅចំណុចវាលស្រែក្នុងភូមិដំណាក់ សង្កាត់ភ្នំពេញថ្មី ខណ្ឌសែនសុខ ដែលជាកន្លែងស្ងាត់ ត្រូវបានពួកចោរវាយសម្លាប់ដោយដំបងស្លាប់នៅក្នុងថ្លុកឈាមនិង វាយស្ដ្រីជាគូស្នេហ៍ឱ្យរងរបួសជាទម្ងន់ ហើយប្លន់យកម៉ូតូហុងដាមួយគ្រឿងថែមទៀតផងកាលពីថ្ងៃទី១៦ ខែមករា ឆ្នាំ២០១២ ។ ជនដៃដល់ចំនួន២នាក់ជាប្ដីប្រពន្ឋត្រូវបានប៉ូលិសខណ្ឌពោធិ៍សែន ជ័យចាប់ខ្លួនបាននៅថ្ងៃទី២៣ មករាឆ្នាំ២០១២ វេលាម៉ោង១០និង៤០នាទីយប់គឺឈ្មោះញែម ចាន់ធឿន ភេទប្រុស អាយុ៣៦ឆ្នាំ និងឈ្មោះវណ្ណ ជីង ភេទស្រី អាយុ២៧ឆ្នាំ ត្រូវជាប្រពន្ធនិងជាអ្នកដើរមើលគោលដៅដែលត្រូវឱ្យបក្សពួកចេញ ធ្វើសកម្មភាពប្លន់ ហើយបក្សពួកចំនួន៣នាក់ទៀតដែលធ្វេើសកម្មភាពជាមួយបានគេចខ្លួន បាត់រហូតមកដល់ពេលនេះ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]