រុស្ស៊ី៖ គ្រូបង្វឹកជម្រើសអេស្ប៉ាញ Julen Lopetegui បង្ហើបថា ខ្សែការពារ Dani Carvajal អាចនឹងអវត្តមានពីរប្រកួតដំបូងនៅក្នុង World Cup ដោយសារតែ មិនទាន់ជាសះស្បើយពីរបួស។
គ្រូបង្វឹកជម្រើសជាតិអេស្ប៉ាញ បាននិយាយប្រាប់អ្នកសារព័ត៌មានថា Carvajal បានរងរបួស នៅក្នុងការប្រកួតវគ្គផ្តាច់ព្រ័ត្រនៃពានរង្វាន់ Champions League កាលពីចុងខែឧសភា ហើយពេលនេះរូបគេបានធូរស្បើយខ្លះហើយ។
យ៉ាងណាមិញ គ្រូបង្វឹកវ័យ៥១ឆ្នាំរូបនេះ បាននិយាយថា លោកមិនទាន់ហ៊ានថារូបគេនឹងមានកម្លាំងគ្រប់គ្រាន់ សម្រាប់ពីរប្រកួតដំបូងនៃព្រឹត្តិការណ៍ World Cup ទេ រូបគេប្រាកដជាមានវត្តមាននៅការប្រកួតចុងក្រោយក្នុងវគ្គចែកពូល។
បន្ថែមពីលើនេះ គ្រូបង្វឹកសញ្ជាតិអេស្ប៉ាញរូបនេះ បានលើកទឹកចិត្ត Carvajal ឲ្យឆាប់បានជាសះស្បើយ ព្រោះលោកជឿជាក់ថា រូបគេនឹងក្លាយជាតួអង្គសំខាន់មួយសម្រាប់អេស្ប៉ាញ នៅពេលរូបគេបានជាសះស្បើយ។
គួរឲ្យដឹងផងដែរថា ជម្រើសជាតិអេស្ប៉ាញនឹងមិនសូវមានឧបសគ្គប៉ុន្មានទេ ទោះបី Carvajal អវត្តមានក៏ដោយ ព្រោះពួកគេនៅមានកីឡាករជាច្រើន សម្រាប់ជំនួសក្នុងតួនាទីខ្សែការពារស្លាបឆ្វេង ដូចជាកីឡាករ Alvaro Odriozola, Nacho Monreal, Cesar Azpilicueta ហើយសូម្បីតែ Sergio Ramos ក៏អាចរ៉ាប់រងនូវបន្ទុកមួយនេះបានដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]