ការសិក្សាគឺជាដំណាក់កាលដ៏សំខាន់មួយក្នុងជីវិតរបស់យើងម្នាក់ៗហើយវារឹតតែចាំបាច់ទៀតក្នុងការជ្រើសរើសយកស្ថាប័នមួយដែលអាចធានាថាមានគុណភាពល្អដល់ការសិក្សារបស់សិស្ស តាំងពីពេលចាប់ផ្តើមរហូតដល់ចប់។
យ៉ាងណាមិញ យើងនឹងនាំលោកអ្នកមកស្គាល់ មហាវិទ្យាល័យដែលមានតម្លៃថ្លៃជាងគេបំផុតនៅលើពិភពលោកដូចខាងក្រោម៖
១០. មហាវិទ្យាល័យ Hamilton
មហាវិទ្យាល័យ Hamilton មានទីតាំងស្ថិតនៅទីក្រុងញូវយ៉ក ចាប់បើកដំណើរការតាំងពីឆ្នាំ១៧៩៣ មកម្ល៉េះ ហើយតម្លៃក្នុងការសិក្សានៅទីនោះ មានតម្លៃរហូតដល់ទៅ ៦៦ ៧១០ដុល្លារក្នុងមួយឆ្នាំឯណោះ។
៩. មហាវិទ្យាល័យ Vassar
មហាវិទ្យាល័យ Vassar ស្ថិតនៅក្នុងទីក្រុងញូវយ៉ក និងបង្កើតឡើងតាំងពីឆ្នាំ១៨៦១ ដែលគេស្គាល់ថាជាមហាវិទ្យាល័យកំពូលស្រ្តីនៅលើលោក ប៉ុន្តែក៏បានផ្លាស់ប្តូរមកជាស្ថាប័នអប់រំទូទៅនៅឆ្នាំ ១៩៦៩។ តម្លៃក្នុងការសិក្សានៅទីនោះគឺ ៦៨ ១១០ដុល្លារក្នុងមួយឆ្នាំជាតម្លៃមួយដ៏គួរឲ្យភ្ញាក់ផ្អើលមែនទែន។
៨.មហាវិទ្យាល័យ Haverford
មហាវិទ្យាល័យ Haverford គឺស្ថិតនៅក្នុងរដ្ឋផេនស៊ីវ៉ានីយ៉ាដែលត្រូវបានបង្កើតតាំងពីឆ្នាំ១៨៨៣។ តម្លៃក្នុងការសិក្សារបស់មហាវិទ្យាល័យមួយនេះគឺ ៦៨ ៧១២ដុល្លារក្នុងមួយឆ្នាំ។ យ៉ាងណាមិញ វាមានប្រវត្តិសាស្រ្តដ៏អស្ចារ្យមួយគឺជាម្ចាស់ពានរង្វាន់ណូបែល ខាងផ្នែកវប្បធម៌។
៧.មហាវិទ្យាល័យ Scripps
មហាវិទ្យាល័យ Scripps គឺស្ថិតនៅក្នុងរដ្ឋកាលីហ្វ័រញ៉ាដែលបានបង្កើតឡើងតាំងពីឆ្នាំ១៩២៦ហើយជាប់ឈ្មោះជាមហាវិទ្យាល័យល្អបំផុតមួយសម្រាប់ស្ត្រី។ តម្លៃសិក្សារបស់មហាវិទ្យាល័យនេះគឺ ៦៩ ២៦០ដុល្លារក្នុងមួយឆ្នាំ។
៦.មហាវិទ្យាល័យ Bard
មហាវិទ្យាល័យ Bard គឺស្ថិតនៅក្នុងទីក្រុងញូវយ៉ក ត្រូវបានបង្កើតឡើងតាំងពីឆ្នាំ១៨៦០ ហើយក៏ជាប់ក្នុងបញ្ជីមហាវិទ្យាល័យល្អបំផុតទាំង៥០ របស់អាមេរិកផងដែរ។ តម្លៃសិក្សានៅទីនោះគឺ ៦៩ ៧៨៧ដុល្លារក្នុងមួយឆ្នាំ។
៥. មហាវិទ្យាល័យ Dartmouth
មហាវិទ្យាល័យ Dartmouth ស្ថិតនៅក្នុងកណ្តាលរដ្ឋហេមស្សាយ៍របស់សហរដ្ឋអាមេរិក។វាគឺជាមហាវិទ្យាល័យដែលមានវ័យចំណាស់បំផុតចំណាត់ថ្នាក់ទី៩ក្នុងប្រទេស។ វាមានហេដ្ឋារចនាសម្ព័នដ៏ល្អឥតខ្ចោះផ្នែកស្ថាបត្យកម្ម។ តម្លៃក្នុងការសិក្សារបស់មហាវិទ្យាល័យនេះគឺ ៧១ ៤០៩ដុល្លារក្នុងមួយឆ្នាំ។
៤.មហាវិទ្យាល័យ Harvey Mudd
មហាវិទ្យាល័យ Harvey Mudd គឺស្ថិតនៅក្នុងរដ្ឋកាលីហ្វ័រញ៉ា ហើយវាត្រូវបានបង្កើតឡើងតាំងពីឆ្នាំ ១៩៥៥មក ដោយផ្តោតលើបច្ចេកវិទ្យា វិស្វកម្មវិទ្យាសាស្ត្រ និងគណិតវិទ្យា។ តម្លៃសិក្សានៅក្នុងមហាវិទ្យាល័យនេះគឺ ៧៤ ៤២៨ដុល្លារក្នុងមួយឆ្នាំ។
៣.មហាវិទ្យាល័យ Claremont Mckenna
មហាវិទ្យាល័យ Claremont Mckenna គឺស្ថិតនៅក្នុងរដ្ឋកាលីហ្វ័រញ៉ាត្រូវបានបង្កើតឡើងតាំងពីឆ្នាំ ១៩៤៦ ដែលមានសមាជិកផ្សេងៗជាដៃគូសហការដូចជា មហាវិទ្យាល័យ Scripps ជាដើម។ តម្លៃក្នុងការសិក្សានៅក្នុងមហាវិទ្យាល័យនេះគឺ ៧៩ ៧៧០ដុល្លារក្នុងមួយឆ្នាំ។
២. មហាវិទ្យាល័យ Sarah Lawrence
មហាវិទ្យាល័យ Sarah Lawrence គឺត្រូវបានបង្កើតឡើងតាំងពីឆ្នាំ ១៩២៦។ វាមានបច្ចេកទេសបង្រៀនដូចទៅនឹងសាកលវិទ្យាល័យដ៏ល្បីល្បាញ OXFORD។ តម្លៃសិក្សាក្នុងមហាវិទ្យាល័យនេះគឺ ១២៨ ៦៧២ដុល្លារក្នុងមួយឆ្នាំ។
១.មហាវិទ្យាល័យ Williams
ក្នុងនាមជាមហាវិទ្យាល័យដែលមានតម្លៃសិក្សាខ្ពស់ជាងគេបំផុតរហូតដល់ទៅ ១៣៨ ៤០០ដុល្លារក្នុងមួយឆ្នាំ មហាវិទ្យាល័យនេះត្រូវបានបង្កើតឡើងក្នុងឆ្នាំ ១៧៩៣ នៅរដ្ឋម៉ាសាឈូសេត។ មហាវិទ្យាល័យនេះស្ថិតក្នុងចំណាត់ថ្នាក់ទី១ផងដែរ ក្នុងផ្នែកវិស័យអប់រំល្អបំផុតនៅសហរដ្ឋអាមេរិក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]