នៅកោះម៉ាល់ឌីវឥឡូវមាននាវាមុជទឹក មើលទិដ្ឋភាពក្រោមសមុទ្រទៀត! (មានវីដេអូ)

ម៉ាល់ឌីវ៖ កាលពីពេលថ្មីៗនេះ  រមណីយដ្ឋាន Four Seasons Resort Maldives  បានបើកដំណើរការនាវាមុជទឹកលក្ខណៈឯកជន សម្រាប់ឲ្យភ្ញៀវអាចមើលទិដ្ឋភាពក្រោមសមុទ្រយ៉ាងរីករាយ។

តាមការឲ្យដឹង នាវាមុជទឹកនេះមានឈ្មោះថា Super Falcon 3S បង្កើតឡើងដោយក្រុមហ៊ុន DeepFlight   មានសមត្ថភាពអាចមុជចុះក្រោមទឹកសមុទ្របានដល់ទៅជិត ៤០ម៉ែត្រ។ នាវានេះប្រើថាមពលអគ្គីសនី និងអាចផ្តល់ជូនការបើកបរក្រោមទឹកបានយ៉ាងល្អ ជាមួយរចនាសម័្ពន្ធនៃកន្លែងអង្គុយមានសុវត្ថិភាព និងអាចផ្ទុកមនុស្សបានចាប់ពី ២នាក់ឡើងទៅ។

វាអនុញ្ញាតឲ្យអ្នកដំណើរជិះចុះក្រោមសមុទ្រ  មើលទិដ្ឋភាពជាច្រើនដូចជា ផ្កាថ្ម ត្រីឆ្លាម  អណ្តើក  ត្រីដូហ្វីន  និងហ្វូងត្រីតូចៗចម្រុះពណ៌យ៉ាងស្រស់ស្អាត។

សម្រាប់ការជិះនាវាមុជទឹកក្រោមសមុទ្រនេះ មានតម្លៃ ១៥០០ដុល្លារអាមេរិក សម្រាប់មនុស្ស២នាក់៕

ខាងក្រោមជាវីដេអូបង្ហាញពីនាវាមុជទឹក Super Falcon 3S៖

• ទីកន្លែង
• វីដេអូ