នេះជាចំណុចពិសេស ដែលធ្វើឲ្យ ប្រុសស្អាត The TOYS ល្បីល្បាញមកទល់សព្វថ្ងៃ

ថៃ: តារាចំម្រៀងវ័យក្មេង ដែលកំពុងទទួលការចាប់អារម្មណ៍ពីមិត្តៗយុវវ័យជាច្រើន នោះមានឈ្មោះថា «The TOYS» ហើយតារារូបនេះ មានឈ្មោះដើមជាភាសាថៃ Thanwa Toy Boonsoongnern ។

ប្រហែលជាប្រិយមិត្តមួយចំនួន មិនទាន់បានដឹងនោះទេ ថារឿងរ៉ាវលោកយ៉ាងណា ដោយថ្មីៗនេះ មានព័ត៌មានមួយបានចុះផ្សាយចំណុចពិសេសខ្លះៗអំពីលោក។

ក្នុងនោះដែរ លោក ត្រូវបានគេកោតសរសើរយ៉ាងឆាប់រហ័សជាមួយនឹងការសម្តែង បទចម្រៀងមួយបទរបស់លោក ហើយ បទចម្រៀងនេះមានអ្នកចូលមើលជាង ២០ លានដងក្នុងរយៈពេលត្រឹមតែ២ខែប៉ុណ្ណោះ។ 

ជាពិសេស បទចម្រៀងដែលលោកធ្វើឡើង ខុសពីបទដទៃ​ ត្រង់ថា បទលោក មានលក្ខណៈងាយស្រួល ក្នុងការច្រៀង និងងាយចាំ ដែលអាចធ្វើឲ្យ អ្នកស្តាប់ហើយ អាចច្រៀងតាមបាន ក្នុងរយៈពេលខ្លី។ ហើយតារាប្រុសរូបនេះ មានសមត្ថភាពខ្ពស់ ក្នុងការច្រៀងបែបលឿនៗ ហាក់បីដូចជា រ៉េប យ៉ាងដូច្នោះដែរ។ 

ទាំងនេះ ជាលក្ខណៈពិសេសមួយចំនួន ដែលលោក អាចទាញភាពប្រជាប្រិយភាព ពីអ្នកគាំទ្រ ក្នុងរយៈពេលខ្លីបាន៕

• តារាថៃ