បរទេស៖ គ្រប់រថយន្តទាំងអស់សុទ្ធតែមានបង្អួចកញ្ចក់សម្រាប់ឲ្យអ្នកដំណើរបានឃើញទេសភាពតាមដងផ្លូវ ចំណែកក្រុមហ៊ុនផលិតរថយន្ត Ford មិនត្រឹមតែចង់ឲ្យមនុស្សធម្មតាឃើញទេ ពួកគេថែមទាំងចង់ឲ្យអ្នកពិការភ្នែកអាចមានអារម្មណ៍ថាបានឃើញទេសភាពផ្ទាល់ៗតាមរយៈការប៉ះបង្អួចកញ្ចក់ទៀតផង។
ក្រុមហ៊ុនផលិតរថយន្ត Ford បានបង្កើតនូវបច្ចេកវិទ្យាថ្មីមួយ ដែលត្រូវបានគេហៅថា "Feel the View" ដោយអនុញ្ញាតឱ្យអ្នកពិការភ្នែកមើលឃើញទេសភាពពេលដែលរថយន្តបើកបរឆ្លងកាត់តាមរយៈការប៉ះបង្អួចកញ្ចក់។
វាត្រូវបានគេរចនាឡើងដោយមានម៉ាស៊ីនថតភ្ជាប់ទៅនឹងបង្អួចឡាន ហើយថតរូបនៃទេសភាពនៅខាងក្រៅ។
បន្ទាប់មកទៀត រូបភាពទាំងនោះបានប្រែក្លាយទៅជាភ្លើង LED ដែលមានសភាពគ្រើមចេញជារូបទេសភាព ហើយចាំងទៅលើកញ្ចក់បង្អួចនោះ ដែលអាចឲ្យអ្នកពិការភ្នែកអាចប៉ះស្ទាបកញ្ចក់នោះ ដើម្បីដឹងថាទេសភាពនៅខាងក្រៅនោះ គឺជាអ្វី។
ខាងក្រោមជាវីដេអូបង្ហាញពី បង្អួចកញ្ចក់ជាមួយបច្ចេកវិទ្យា Feel the View៖
អ្នកនាំពាក្យក្រុមហ៊ុន Ford លោក Marco Alù Saffi បាននិយាយថា៖ "យើងស្វែងរកការធ្វើឱ្យជីវិតរស់នៅរបស់មនុស្សកាន់តែប្រសើរឡើងរួចហើយ។ ដូចនេះវាគឺជាឱកាសដ៏ល្អមួយកម្រិតទៀត ដែលយើងអាចបង្កើតបច្ចេកវិទ្យាថ្មី ដើម្បីផ្តល់ឱកាសឱ្យមនុស្សពិការភ្នែកបានយល់ពីទេសភាព និងទទួលបានអារម្មណ៍ពិតៗដែរ"៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]