ភ្នំពេញ៖ ពេញមួយរយៈចុងក្រោយនេះ ត្រូវបានគេដឹងថា អតីតតារាកំប្លែងជើងចាស់ លោក ពៅ គីសាន់ ហៅនាយ ឆើត បាននិងកំពុងធ្លាក់ខ្លួនឈឺ ដែលបណ្តាលមកពីបែកឌីសចង្កេះ ដែលធ្វើឲ្យជើងខាងស្តាំរបស់លោក ឈឺស្ពឹកដើរទៅណាក៏មិនរួច ទាល់តែលោកទទួលការវះកាត់ ទើបអាការរបស់លោកអាចជាសះស្បើយបាន។ នេះបើយោងតាមការរៀបរាប់ឱ្យដឹងពីផេករបស់លោក ហេង ឡុង។
ប៉ុន្តែមិនថាយ៉ាងណា ដោយសារជីវភាពលោកបច្ចុប្បន្ន កំពុងជួបនូវការលំបាកខ្វះខាត ដោយពុំមានលទ្ធភាពព្យាបាលជំងឺបាន ទើបតារាកំប្លែងរូបនេះដាច់ចិត្ត លើកដៃអំពាវនាវស្នើសុំជំនួយពីសប្បុរសជនទាំងឡាយដើម្បីព្យាបាលខ្លួន។
គ្រាន់តែឮមិត្តរួមអាជីពកំពុងជួបទុក្ខលំបាកបែបនេះ លោកទុំ សារ៉ុត ដែលគេតែងហៅថា នាយ ឃ្លោក និងក្រុមការងារក៏បានស្កាត់ទៅជួបសួរសុខទុក្ខ នាយឆើតដោយផ្ទាល់ដល់គេហដ្ឋាន ព្រមទាំងបានពាំនាំយកនូវ "មូលនិធិសិល្បករចាស់ជរា" ជូនដល់នាយ ឆើតថែមទៀតផង។
បន្ថែមពីនេះ បើតាមការរៀបរាប់ពីប្រភពដដែលបានឲ្យដឹងថា ស្ថានភាពអាការរបស់នាយ ឆើត អាចនឹងធ្ងន់ធ្ងរជាងនេះ បើសិនជាលោកនៅតែបណ្តែតបណ្តោយឲ្យកាន់យូរ មិនធ្វើការវះកាត់ទេនោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]