បរទេស៖ ដូចដែលយើងបានដឹងស្រាប់រួចមកហើយថា ទូរស័ព្ទ iPhone នៅពេលដែលចេញស៊េរីថ្មីមកម្តងៗ បើនិយាយពីតម្លៃវិញគឺ ថ្លៃកប់ពពកដែលលើលពីទូរស័ព្ទដទៃទៀត តែទោះជាយ៉ាងណាក៏ដោយ វាក៏នៅមានអ្នកប្រើប្រាស់ដដែល ក៏ព្រោះ លក្ខណៈទូរស័ព្ទនេះចេះតែមានអ្វីដែលប្លែក សម្រាប់ទាក់ទាញចិត្តមនុស្សគ្រប់រូបឲ្យប្រើប្រាស់ជាបន្តបន្ទាប់ទៀត។
តាមប្រភពព័ត៌មានមួយបានមកពីអ្នកវិភាគ KGI និងអ្នកអត្ថាធិប្បាយ Apple ញឹកញាប់ លោក Ming-Chi Kuo តាមរយៈវេបសាយ MacRumors បានឲ្យដឹងថាទូរស័ព្ទ iPhone ដែលចេញក្នុងឆ្នាំ២០១៨នេះ អាចនឹងមានតម្លៃសមរម្យ ពោលគឺត្រឹមពាក់កណ្តាលនៃតម្លៃ iPhone X ប៉ុណ្ណោះ។
លោក Kuo ក៏បានលើកឡើងទៀតថា៖ " iPhone ដែលមានទំហំអេក្រង់ ៦,១អ៊ីញនេះ អាចនឹងមានពីរប្រភេទគឺ អាចប្រើប្រាស់បានជាមួយស៊ីម១ផង និងស៊ីម២ ផង។ គាត់បានបន្ថែមទៀតថា iPhone នេះអាចចេញជា៣ ប្រភេទខុសៗគ្នា គឺ iPhone ដែលមានអេក្រង់ OLED ទំហំ ៥,៨ និង ៦,៥ អ៊ីញ ហើយមួយទៀតគឺ iPhone ដែលមានអេក្រង់ TFT-LCD ដែលមានទំហំ ៦,១ អ៊ីញ។
ចំពោះតម្លៃវិញ វាត្រូវបានគេនិយាយថាចន្លោះពី ៥៥០ ដុល្លារទៅ ៦៥០ ដុល្លារ សម្រាប់ iPhone ប្រើស៊ីមមួយ។ ចំណែក iPhone ប្រើស៊ីមពីរមានតម្លៃ ៦៥០ ដុល្លារទៅ ៧៥០ ដុល្លារ"។ នេះបើយោងតាមកំណត់សំគាល់ពីប្រភពដដែល៕
ខាងក្រោមជារូបភាពiPhone ២០១៨៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
