យន្តហោះដែលមានស្លាបវែងជាងតារាងបាល់ទាត់ទៅទៀត! មកទស្សនាទាំងអស់គ្នា (មានវីដេអូ)

អាមេរិក៖ កាលពីពេលថ្មីនេះៗ អាមេរិកបានបង្កើតយន្តហោះម៉្យាង ដែលធំជាងគេលើពិភពលោក ឈ្មោះថា Stratolaunch ដែលនឹងត្រូវដាក់ដំណើរការជាលើកដំបូងនៅរយៈពេលប៉ុន្មានខែខាងមុខនេះ។

Stratolaunch គឺជាយន្តហោះមួយប្រភេទ ដែលវាពិតជាមានលក្ខណៈខុសពីយន្តហោះធំៗដទៃទៀត ដោយសារវាមានតួខ្លួនដល់ទៅពីរ  មានស្លាបម៉ាស៊ីនធំៗ ចំនួន៦  និងកង់ដល់ទៅ ២៨ សម្រាប់ទ្រទម្ងន់យន្តហោះដែលមានទម្ងន់រហូតដល់ ២២ម៉ឺនគីឡូក្រាម ដោយមិនទាន់រាប់ការផ្ទុកទំនិញ និងមនុស្ស ហើយវាអាចទ្រទម្ងន់សរុបបានច្រើនបំផុតគឺ ៥៨ម៉ឺនគីឡូក្រាមឯណោះ ដែលវាពិតជាអស្ចារ្យខ្លាំងណាស់។

រីឯចំណុចដែលទាក់ទាញមួយទៀត គឺប្រវែងស្លាបរបស់វាទាំងសងខាងវែងជាងតារាងបាល់ទាត់ទៅទៀត ពោលគឺមានប្រវែងសរុប ១១៧ ម៉ែត្រ ដែលត្រូវបានគេចាត់ទុកថា វាជាយន្តហោះដែលមានប្រវែងស្លាបវែងជាងគេបំផុតនៅលើពិភពលោក។

មិនត្រឹមតែអាចផ្ទុកទំនិញ និងដឹកអ្នកដំណើរប៉ុណ្ណោះទេ Stratolaunch គ្រោងនឹង ដឹកជញ្ជូនគ្រាប់មីស៊ីល  គ្រាប់រ៉ុកកែ្កត និងផ្កាយរណបតូចៗបានផងដែរ៕

ខាងក្រោមនេះជារូបភាព និង វីដេអូពី Stratolaunch៖ 

• វីដេអូ