ខេត្តមណ្ឌលគិរី ៖ យុវជនជាជាងចម្លាក់ឈើម្នាក់បានស្លាប់ភ្លាមៗនៅនឹងកន្លែង ក្រោយត្រូវចរន្តភ្លើងបានឆក់ បង្កការភ្ញាក់ផ្អើលកាលពីវេលាម៉ោង០២ និង៤៥នាទីថ្ងៃទី២០ េមសា ស្ថិតក្នុងភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី ។
សេចក្តីរាយការណ៍បន្តថា ជនរងគ្រោះខាងលើ ឈ្មោះ ស៊ុន រិទ្ធសា អាយុ១៧ឆ្នាំ ជាកម្មករឆ្លាក់ឈើ ។បើនគរបាលបាលឱ្យដឹងថា ជនរងគ្រោះមានស្រុកកំណើតភូមិកប្បាស់ ឃុំឈើទុំ ស្រុកក្រគរ ខេត្តពោធិ៍សាត់ សព្វថ្ងៃ បានមកស្នាក់នៅបណ្តោះអាសន្នក្នុងភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី ។
ប្រភពបន្តថា មុនពេលកើតហេតុ ជនរងគ្រោះបានបញ្ឆេះម៉ាស៊ីនភ្លើង ដើម្បីឆ្លាក់និងដាប់ឈើធ្វើរូបសំណាកផ្សេងៗ ។ ក្នុងពេលកំពុងដាប់ និងខួងដោយប្រើម៉ូទ័រអគ្គិសនី ក៏ប៉ះនិងមុខតំណខ្សែភ្លើងដែលដាច់ បណ្តាល ឱ្យឆក់ស្លាប់ភ្លាមៗនៅកន្លែងកើតហេតុតែម្តង ។ជំនាញបានចុះដល់កន្លែងកើតហេតុ ពិនិត្យសាកសព និងកន្លែងកើតហេតុនឹងសន្និដ្ឋានថា ជនរងគ្រោះពិតជាស្លាប់ដោយសាឆក់ចរន្តអគ្គិសនី ពិតប្រាកដមែន មិនមានពាក់ពន្ធ័ករណីឃាតកម្មឡើយ ។
ទោះជាយ៉ាងណាករណីខាងលើ ម្ចាស់សិប្បកម្មចម្លាក់ឈើនៅមិនទាន់ស្គាល់អត្តសញ្ញាណនៅឡើយ ហើយចំពោះការទទួលខុសត្រូវលើគ្រោះថ្នាក់បណ្តាលឲ្យស្លាប់កម្មករក្នុងកន្លែងការងារបែបនេះ ក៏គេនៅមិនទាន់ទទួលព័ត៌មានពីសមត្ថកិច្ចថា តើម្ចាស់ទីតាំងនឹងមានសំណង ឬប្រឈមមុខច្បាប់បែបណានោះទេ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]