ថៃ៖ បច្ចុប្បន្ននេះជីវិតរបស់កំពូលតារាសម្តែងស្រី Sririta កំពុងតែមានសេចក្តីសុខពេញទំហឹង ព្រោះតែមានការងារក្នុងសិល្បៈរត់មករកនាងជាបន្តបន្ទាប់ ទាំងការថតកុន និងការធ្វើជាគណៈកម្មការដ៏ធំមួយរូបទៀត ប្រចាំនៅក្នុងកម្មវិធីល្បីល្បាញ «The Face Thailand» រដូវកាលទី ៤ នេះផងដែរ។
ចំណែកឯរឿងបេះដូងវិញ អ្នកគាំទ្រច្បាស់ជាបានដឹងច្បាស់មកហើយថា ពេលនេះនាងកំពុងតែទាក់ទងគ្នាជាមួយនឹងកម្លោះអ្នកមានហាយសូរម្នាក់ ហើយថែមទាំងមានរូបរាងស្រស់សង្ហាថែមទៀតផង។
ជាក់ស្តែងប៉ុន្មានថ្ងៃមកនេះ តារាសម្តែងកញ្ញា Sririta ក៏បានដឹកដៃគូស្នេហ៍រូបសង្ហារបស់ខ្លួន ធ្វើដំណើរកម្សាន្តយ៉ាងសប្បាយរីករាយតែពីរនាក់ នៅទីក្រុងប៉ារីស ប្រទេសបារាំង។
ប៉ុន្តែអ្វីដែលគួរឱ្យចាប់អារម្មណ៍ខ្លាំងជាងនេះទៅទៀតនោះគឺ ពេលទៅដើរលេងនៅបារាំងលើកនេះ តារាស្រី Sririta បានធ្វើដំណើរពីថៃទៅប្រទេសបារាំង ដោយបានជិះយន្តហោះផ្ទាល់ខ្លួនយ៉ាងទំនើបមួយគ្រឿង ដែលជាយន្តហោះ VIP គ្មានអ្នកដំណើរផេ្សងៗជិះរួមជាមួយនាងនោះទេ។
ឃើញបែបនេះ ធ្វើឱ្យគេឯងច្រណែននឹងជីវិតារាស្រីរូបនេះមិនតិចនោះទេ កើតមកមានទាំងសម្រស់ស្រស់ស្អាត ថែមទាំងបានសោយសុខនៅលើទ្រព្យសម្បត្តិយ៉ាងសុខសាន្ត ជាអ្នកមានមិនធម្មតានោះទេ៕
ទស្សនារូបភាពខាងក្រោមនេះរួចទើបដឹងថាយ៉ាងណា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]