Klopp ប្រាប់កូនក្រុមថាកុំទាន់សប្បាយចិត្ត ទោះមិនបានប៉ះ Bayern ឬ Real ក៏ដោយ

អង់គ្លេស៖ គ្រូបង្វឹករបស់ក្រុម Liverpool លោក Jurgen Klopp បានរំលឹកកូនក្រុមរបស់ខ្លួនឲ្យខំប្រឹងប្រែងហ្វឹកហាត់ដើម្បីប្រកួតវគ្គពាក់កណ្តាលផ្តាច់ព្រ័ត្រ Champions League ខាងមុខនេះ។

Klopp បានប្រាប់ទៅកាន់កូនក្រុមរបស់លោកថា Liverpool នៅមិនទាន់រួចខ្លួននៅឡើយទេ ទោះបីជាក្រុមហង្សក្រហមមួយនេះមិនប៉ះក្រុមយក្សដូចជា Bayern Munich ឬ Real Madrid ក៏ដោយ។​ គ្រូបង្វឹកសញ្ជាតិអាល្លឺម៉ង់រូបនេះបានបន្តថា អ្នកទស្សនាបាល់ទាត់ជាច្រើនបាននិយាយថា ក្រុម Liverpool ប៉ះក្រុមដែលអន់នៅក្នុងវគ្គពាក់កណ្តាលផ្តាច់ព្រ័ត្រ ប៉ុន្តែធាតុពិតវាមិនដូចការគិតទេ។

អតីតគ្រូបង្វឹក Dortmund រូបនេះបានបន្តទៀតថា ក្រុម Roma ជាក្រុមខ្លាំង ហើយអ្នកដែលនិយាយថាក្រុមអីុតាលីមួយនេះជាក្រុមអន់ ពួកគេបានភ្លេចថា ក្រុមអន់មួយនេះបានទម្លាក់ Barcelona កាលពីវគ្គ៨ក្រុមចុងក្រោយកាលពី២សប្តាហ៍មុនហើយ។ 

យ៉ាងណាមិញ គ្រូបង្វឹកវ័យ៥០ឆ្នាំរូបនេះ ក៏បានជម្រុញឲ្យកីឡាកររបស់ក្រុម Liverpool ខំប្រឹងហ្វឹកហាត់ឲ្យខ្លាំងជាមុនដើម្បីកុំឲ្យភ្លាត់ស្នៀតធ្លាក់ចេញពី Champions League ព្រោះក្រុមហង្សក្រហម បានខិតខំប្រឹងប្រែងជាយូរមកហើយទើបបានឡើងមកដល់វគ្គពាក់កណ្តាលផ្តាច់ព្រ័ត្រនេះ៕