អាមេរិក៖ កីឡាករ Zlatan Ibrahimovic បានបង្ហើបប្រាប់អ្នកសារព័ត៌មានថា រូបគេអាចនឹងត្រឡប់ទៅបង្ហាញខ្លួនឲ្យជម្រើសជាតិវិញក្នុងព្រឹត្តិការណ៍ World Cup ខាងមុខនេះ។
សហព័ន្ធ FIFA បានហាមឃាត់ អតីតខ្សែប្រយុទ្ធរបស់ក្រុម Manchester United រូបនេះចូលទៅលេងក្នុងព្រឹត្តិការណ៍ World Cup បានទេ ព្រោះរូបគេបានជាប់កុងត្រាជាមួយនឹងក្រុមហ៊ុនភ្នាល់បាល់មួយ។ដូច្នេះ កីឡាករវ័យ៣៦ឆ្នាំរូបនេះអាចនឹងត្រូវសហព័ន្ធ FIFA ពិន័យរូបគេរហូតដល់រាប់លានដុល្លារឯណោះ បើរូបគេសម្រេចចិត្តទៅចូលលេងក្នុងជម្រើសជាតិគេវិញ។
យ៉ាងណាក្ដី ខ្សែប្រយុទ្ធសញ្ជាតិស៊ុយអ៊ែតរូបនេះមិនមានការខ្លាចញញើតនូវការប្រមានរបស់សហព័ន្ធ FIFA ទេ ដោយរូបគេបានប្រាប់អ្នកសារព័ត៌មានថា បើខ្លួនចង់ទៅលេងក្នុង World Cup ខ្លួននឹងទៅ ហើយគ្មាននរណាអាចបញ្ជារូបគេបានទេ។
កីឡាកររូបនេះបានបន្តថា នេះមិនមែនជាការសម្រេចចិត្តរបស់ FIFA ទេ វាជាការសម្រេចចិត្តរបស់រូបគេផ្ទាល់ ហើយ FIFA ក៏គ្មានសិទ្ធិអាចឃាត់រូបគេបានដែរ។
គួរបញ្ជាក់ថា Zlatan បានប្រកាសការចូលនិវត្តន៍ពីជម្រើសជាតិរបស់ខ្លួនតាំងពីឆ្នាំ២០១៦មកម្ល៉េះ ហើយគ្រូបង្វឹករបស់ក្រុមជម្រើសជាតិស៊ុយអ៊ែតក៏បានបង្ហើបថា លោកមិនទាន់ទទួលបានការទំនាក់ទំនងពីខ្សែប្រយុទ្ធរបស់ក្រុម LA Galaxy រូបនោះដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
