នេះជា បណ្តាំចុងក្រោយរបស់ វីតាមីនសេ ទៅកូនៗ

ភ្នំពេញ៖ ល្ងាចនេះ ស្ថានភាពជំងឺរបស់តារាកំប្លែងលោកតា វីតាមីនសេ បានឈានដល់ដំណាក់កាលធ្ងន់ធ្ងរចុងក្រោយហើយ ដោយកំពុងតែទទួលធម៌ពីព្រះសង្ឃនៅផ្ទះ ក្នុងដង្ហើមចុងក្រោយនៃជីវិត។

ក្នុងនោះផងដែរ ក្រុមគ្រួសាររបស់លោកតា វីតាមីនសេ កំពុងតែមានទុក្ខជាទម្ងន់ និងបានត្រៀមរួចជាស្រេចដើម្បីទទួលយកនូវការពិតមួយនេះ។

ស្របពេលធ្លាក់ដល់ដង្ហើមចុងក្រោយនៃជីវិតបែបនេះ តារាកំប្លែង វីតាមីនសេ ក៏ធ្លាប់បានពោលពាក្យបណ្តាំចុងក្រោយ ផ្តាំទៅកាន់កូនចៅរបស់លោកតាពេលនៅនិយាយកើតថា៖ 

«ចង់ឱ្យកូនៗប្រុសស្រីទាំងអស់ ក្លាយជាមនុស្សល្អ»។

ឮបែបនេះហើយ ពិតជាស្លុតចិត្ត អាណិតទៅដល់លោកតា វីតាមីនសេ យ៉ាងខ្លាំងមិនគួរឆាប់ចាកចោលកូនចៅទាំងស្រស់ៗដូុច្នេះសោះ។

គួរឱ្យដងផងដែរថា តារាកំប្លែងលោកតា វីតាមីនសេ បានប្រឡូកនៅក្នុងវិស័យសិល្បៈអស់រយៈពេលជាច្រើនឆ្នាំណាស់មកហើយជាមួយនាយកុយ។ ហើយឆ្នាំនេះលោកតា ក៏មានអាយុ ៦៩ ឆ្នាំហើយ និងបានធ្លាក់ខ្លួនឈឺជាទម្ងន់ ដោយមានជំងឺដូចជា ទឹកនោមផ្អែម ដំបៅក្រពះកម្រិតធ្ងន់ និងសាច់ដុះក្នុងថ្លើមដ៏កាចសាហាវផងដែរ៕

• នាយ វីតាមីន​សេ
• តារាខ្មែរ