អេស្ប៉ាញ៖ ក្រោយពីលេចឮព័ត៌មានថា កីឡាករ Antione Griezmann ចង់ចាកចេញពីក្រុម Athletico Madrid ពេលនេះ ស្រាប់តែកីឡាករ Diego Costa បានទទូចសុំជាសាធារណៈ ធ្វើយ៉ាងណាដើម្បីកុំឲ្យ Griezmann ចាកចេញពីក្រុម។
កីឡាករ Diego Costa បានថ្លែងប្រាប់សារព័ត៌មានថា Griezmann មិនគួរចាកចេញទេ ពីព្រោះថា កីឡាករខ្សែប្រយុទ្ធរូបនេះ គឺជាតួអង្គដ៏សំខាន់មួយរូប ដែលធ្វើឲ្យខ្លួន (Costa) ត្រលប់មកលេងឲ្យ Athletico Madrid ។ ដូច្នេះ Griezmann មិនគួរទៅណាចោលគេនោះទេ។
កីឡាករវ័យ២៩ឆ្នាំរូបនេះ បានបន្តទៀតថា ក្លិប Athletico Madrid ស្រលាញ់ និងត្រូវការ Griezmann ខ្លាំងណាស់ ហើយគេក៏ជឿជាក់ថា រូបគេនឹងយល់ដឹងអំពីរឿងនេះ និងសម្រេចចិត្តបន្តអាជីពលេងឲ្យ Athletico Madrid ជាបន្តទៀត។
គួរបញ្ជាក់ថា ថ្មីៗនេះមានលេចឮពាក្យចចាមអារ៉ាមជាច្រើនថា កីឡាករ Griezmann បានយល់ព្រមចុះហត្ថលេខាជាមួយក្រុម Barcelona រួចរាល់ទៅហើយ។ ប៉ុន្តែភាគីទាំងសងខាង Griezmann និង Barcelona ក៏មិនទាន់បានចេញមុខមកបញ្ជាក់អំពីរឿងនេះ ជាសាធារណៈនៅឡើយនោះទេ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
