ឡើងកប់! ស៊ុតដូចព្យុះរដូវកាលនេះ តម្លៃខ្លួន Salah ឡើងថៃ្លដល់ទៅ ២០០លានផោន

អង់គ្លេស៖ ក្រោយបង្ហាញទម្រង់លេង យ៉ាងល្អគួរឲ្យភ្ញាក់ផ្អើលឲ្យក្រុម Liverpool ពេលនេះតម្លៃខ្លួនរបស់ Salah ឡើងថៃ្លប្រមាណដល់ទៅ ២០០លានផោន (ប្រហែល ២៨០លានដុល្លារអាមេរិក) ឯណោះ ។

គិតមកត្រឹមពេលនេះ ខែ្សប្រយុទ្ធរបស់ក្រុមជម្រើសជាតិអេហ្ស៊ីប បានស៊ុតបញ្ចូលទីគ្រប់កម្មវិធីចំនួន ៣៤គ្រាប់ហើយ ខណៈក្នុងលីកវិញ រូបគេស៊ុតបានចំនួន ២៨គ្រាប់។  

បើយោងតាមប្រភពសារព័ត៌មានមួយចំនួន បានចុះផ្សាយថា ដោយសារតែ ការឡើងទម្រង់លេងយ៉ាងខ្លាំង របស់អតីតកីឡាករក្រុម Chelsea និង AS Roma រូបនេះ តម្លៃខ្លួនទីផ្សាររបស់គេ ក៏បានឡើងថ្លៃយ៉ាងគំហុកដែរ ពោលគឺ មានតម្លៃដល់ទៅ ២០០លានផោន (ប្រហែល ២៨០ដុល្លារអាមេរិក)។ 

គួរឲ្យដឹងថា ក្រុមយក្សមួយចំនួន ដែលមានដូចជា Barcelona, Paris St-Germain និងក្រុម Real Madrid កំពុងមានការចាប់អារម្មណ៍ ទៅលើខែ្សប្រយុទ្ធល្បឿនលឿន រូបនេះ ប៉ុន្ដែ Liverpool ទំនងនឹងមិនអាចលក់ កីឡាករឆ្នើមរបស់ខ្លួនឡើយ ត្បិតពួកគេទើបតែបាត់បង់ Coutinho ទៅកាន់ Barcelona កាលពីខែមករា កន្លងទៅនេះឯង ៕