កវីនិពន្ធសុខ ជំនោរ ទោះទៅដល់ទីណា ក៏ឱបថើបភរិយាវ័យក្មេងជាប់រហូត ធ្វើឲ្យអ្នកគាំទ្រស្ទើរលើសជាតិស្ករ!

កូរ៉េខាងត្បូង៖ កាលពីមួយរយៈកន្លងទៅថ្មីៗនេះ សិល្បៈករកម្ពុជាល្បីៗជាច្រើនរូប ដូចជា កញ្ញា មាស សុខសោភា លោក ខេមរៈ សេរីមន្ត កញ្ញា យូរី និងសិល្បៈករជាច្រើនរូបផ្សេងទៀត បានធ្វើដំណើរទៅកាន់ប្រទេសកូរ៉េខាងត្បូង ដើម្បីធ្វើការប្រគំតន្រ្តីដ៏ធំមួយ សម្រាប់ចែកជូនការកម្សាន្ត ដល់បងប្អូនប្រជាពលករខ្មែរដែលរស់នៅទីនោះ។

ដោយក្នុងនោះផងដែរ គេក៏សង្កេតឃើញ កវីនិពន្ធនិងជាផលិតករល្បីឈ្មោះលោក សុខ ជំនោរ ក៏បានចូលរួមនៅក្នុងបេសកម្មមួយនេះផងដែរ។ ប៉ុន្តែបើទោះបីមកធ្វើការឆ្ងាយ យ៉ាងណាក៏ដោយ ក៏កវីរូបនេះមិនភ្លេចនាំប្រពន្ធវ័យក្មេង ដែលទើបនឹងរៀបការថ្មោងថ្មី បានរយៈពេលប៉ុន្មានខែ មកដើរកម្សាន្តជាមួយយ៉ាងផ្អែមល្ហែម ហាក់បីដូចជាមកក្រេបទឹកឃ្មុំ តែពីរនាក់ដូច្នោះដែរ។

ជាការពិតណាស់ ដោយតាមរយៈរូបថតបង្ហោះជាច្រើន បានឲ្យឃើញថា ទោះបីជាទៅដល់ទីណាក៏ដោយ ក៏លោកសុខ ជំនោរ តែងតែកៀកប្រពន្ធវ័យក្មេងស្រស់ស្អាតជិតខ្លួនជានិច្ច ដែលជាពិសេសនោះ គឺមិនភ្លេចឡើយ ក្នុងការបង្ហោះរូបឱបថើបយ៉ាងផ្អែមល្ហែម បង្ហាញពីក្តីស្រលាញ់ ដែលធ្វើឲ្យប្រិយមិត្តអ្នកគាំទ្រ នៅលើបណ្តាញសង្គម ស្ទើរលើសជាតិស្ករទៅតាមអ្នកទាំងពីរដែរ៕  

• សុខ ជំនោរ
• តារាខ្មែរ