មកមើលផ្ទះរបស់ស្រីស្អាត Patricia Good ទើបដឹងថាស្រស់ស្អាត និងគួរឱ្យចង់រស់នៅ (មានវីដេអូ)

ថៃ៖ តារាសម្តែងស្រីកញ្ញា Patricia Good គឺជាតារាស្រីមួយដួង ដែលបានចូលខ្លួនមកប្រឡូកនៅក្នុងវិស័យសិល្បៈតាំងពីឆ្នាំ ២០១១ កន្លងមក ដោយទទួលបាននូវការគាំទ្រយ៉ាងខ្លាំងគួរឱ្យកត់សម្គាល់។

ហើយបច្ចុប្បន្ននេះ កេរ្តិ៍ឈ្មោះរបស់តារាស្រី Patricia Good ក៏កាន់តែមានភាពល្បីរន្ទឺផងដែរនៅក្នុងពិភពសិល្បៈសម្តែង ព្រោះតែទេពកោសល្យរបស់នាង និងសម្រស់ដ៏ស្រស់ស្អាតប្រៀបដូចជាកូនតុក្កតា ជាកូនកាត់ថៃ-អង់គ្លេស នៅក្នុងវ័យ ២០ ឆ្នាំ។

ដោយឡែកកាលពីប៉ុន្មានថ្ងៃមុននេះ ខាងកម្មវិធី Tee tai krua ដ៏ល្បីរបស់ប៉ុស្តិ៍ទូរទស្សន៍ថៃ ក៏បានចុះទៅផ្ទាល់ដល់គេហដ្ឋានរបស់តារាសម្តែងស្រី Patricia Good តែម្តង ដើម្បីផ្តិតយកទិដ្ឋភាពទាំងមូលនៅក្នុងផ្ទះនាង។

នៅក្នុងនោះដែរ គេឃើញផ្ទះរបស់ស្រីស្អាតរូបនេះ មានការតុបតែងយ៉ាងស្រស់ស្អាត ប្រៀបដូចជាកន្លែងទេសចរណ៍លំហែកម្សាន្តអារម្មណ៍បែបធម្មជាតិមួយកន្លែងដូច្នេះដែរ ដោយមានខ្យល់អាកាស និងបរិកាយបរិសុទ្ធ ប្រកបទៅដោយភាពស្រស់ស្រាយគួរឱ្យចង់រស់នៅ។

តោះចង់ដឹងថា ទិដ្ឋភាពនៅខាងក្នុងផ្ទះរបស់ស្រីស្អាត Patricia Good ស្រស់ស្អាត និងគួរឱ្យចង់រស់នៅខ្លាំងប៉ុណ្ណានោះ យើងមកតាមដានទស្សនាវីដេអូ និងរូបភាពដូចខាងក្រោមនេះទាំងអស់គ្នា៖  

• វីដេអូ
• តារាថៃ