ឃើញសង្ហាៗមែន តែតារាប្រុសទាំងនេះ មិនចូលចិត្តដើរលេងយប់ទេ សុទ្ធតែជាកូនល្អ!

ថៃ៖ បច្ចុប្បន្ននេះមានតារាសម្តែង តារាបង្ហាញម៉ូត ជាច្រើនដួងបានរីកដុះដាលដូចផ្សិត ស្របជាមួយនឹងទេពកោសល្យដាច់ដោយឡែកពីគ្នា ម្នាក់ម្យ៉ាងៗប្រកបដោយភាពប៉ិនប្រសប់។

ហើយបើនិយាយពីសម្រស់វិញ ក៏មានភាពស្រស់ស្អាតមិនចាញ់គ្នាដែរ ដោយមានអ្នកគាំទ្រស្រលាញ់ចូលចិត្តរាប់ពាន់នាក់ ជាពិសេសពេលពួកគេចេញទៅតាមកម្មវិធីក្នុងសង្គមម្តងៗ មានអ្នកគាំទ្រស្រែករំភើបចិត្តពេលបានជួបរូបពិតសម្លេងពិត ពេលមានការសម្តែងនៅតាមក្លឹបកម្សាន្តធំៗ ល្បីៗ នាពេលរាត្រី តាមពិធីជប់លៀងជាដើម។ 

ប៉ុន្តទន្ទឹមនឹងនេះផងដែរ ក៏មានតារាសម្តែងប្រុសថៃប៉ុន្មានដួងនេះ មិនចូលចិត្តចូលរួមនៅក្នុងកម្មវិធីជប់លៀងនៅតាមក្លឹបកម្សាន្ត នាពេលរាត្រីប៉ុន្មាននោះទេ គឺពួកគេសុទ្ធតែជាកូនល្អ ខុសប្លែកពីតារាប្រុសមួយចំនួនទៀត ដែលចូលចិត្តការសម្តែង និងចូលចិត្តការច្រៀងរាំតាមបណ្តាក្លឹបកម្សាន្ត ឬពិធីជប់លៀងនានានៅពេលរាត្រីនានា។

ក្នុងនោះដែររួមមានដូចជា៖

១) តារាសម្តែងលោក James Ma៖ តារាកូនកាន់ចិនម្នាក់នេះ បានសារភាពត្រង់ៗថា​ ខ្លួនមិនចូលចិត្តទៅចូលរួមនៅក្នុងកម្មវិធីជប់លៀងនៅពេលយប់នោះទេ។

២) តារាសម្តែងលោក Mario Maurer៖ បានប្រាប់ថា ខ្លួនមិនចូលធ្វើដំណើរទៅក្លឹបរាត្រីណាទាំងអស់។

៣) តារាសម្តែងលោក James Jirayu៖ ក៏បានប្រាប់ថាលោកមិនចូលចិត្តទៅកម្សាន្តនៅក្លឹបរាត្រី ឬពិធីជប់លៀងអ្វីនៅពេលយប់ប៉ុន្មាននោះទេ ព្រោះវាមានមនុស្សច្រើន។ 

៤) តារាសម្តែងលោក Nike Nitidon៖ ក៏បានឱ្យដឹងថាលោកចូលចិត្តធ្វើដំណើរកម្សាន្តទៅកាន់សមុទ្រ ក៏ដូចជាកន្លែងដែលមានទេសភាពធម្មជាតិស្រស់បំព្រង ហើយលោកមិនចូលចិត្តទៅចូលរួមកម្មវិធីីជប់លៀងនៅពេលយប់ៗនោះទេ៕

• តារាថៃ