ម៉ូតសក់ Wet Look កំពុងពេញនិយមខ្លាំង ធ្វើឱ្យតារាស្រីថៃល្បីៗ ជ្រួលជ្រើមធ្វើតាមគ្នាព្រាត

ថៃ៖ ថ្មីៗនេះគេសង្កេតឃើញម៉ូតសក់មួយបែប ដែលគេឱ្យឈ្មោះថា «Wet Look Hair» របស់តារាហូលីវូដជាច្រើននាក់ កំពុងតែពេញនិយមធ្វើ ពេលនេះបានរីកសុះសាយមកដល់ទឹកដីប្រទេសថៃហើយ ដោយមានតារាស្រីល្បីៗរបស់ថៃ បាននាំមកធ្វើតាមយ៉ាងព្រោងព្រាតនៅក្នុងវិស័យសិល្បៈ។

ដោយម៉ូតសក់ថ្មីមួយបែបនេះគឺជា ស្ទីលម៉ូតសក់ធ្វើជារបៀបសើមៗ ហើយទម្លាក់មកដាក់នៅពីលើថ្ងាស ឬដាក់ទម្លាក់ចុះមកខាងក្រោម ដើម្បីលម្អផ្ទៃមុខឱ្យកាន់តែមានភាពស្រស់ស្អាតបន្ថែមមួយកម្រិតទៀត។

គួរឱ្យដឹងផងដែរថា កាលពីមួយរយៈមុននេះម៉ូតសក់ «Wet Look Hair» គឺលេចឡើងតែនៅក្នុងការបង្ហាញម៉ូតលំដាប់ Haute Couture ឬនៅតាមលើបណ្តាក្របទស្សនាវដ្តីល្បីៗមួយចំនួនតែប៉ុណ្ណោះ។

ប៉ុន្តែក្រោយមកមួយរយៈពេលចុងក្រោយនេះ វាបានបង្ហាញខ្លួនឡើងជាញឹកញាប់ ព្រមទាំងមានការពេញនិយមធ្វើខ្លាំងមែនទែន សម្រាប់តារាស្រីថៃជាច្រើនដួង ពេលចេញទៅតាមកម្មវិធីធំនានានៅក្នុងសង្គមជាដើម៕

តោះចង់ដឹងថាតារាស្រីល្បីៗរូបណាខ្លះដែលនិយមធ្វើម៉ូតសក់ប្រភេទនេះនៅលើក្បាល ដើម្បីបន្ថែមភាពស្រស់ស្អាត? មកទស្សនារូបភាពខាងក្រោមនេះដូចតទៅ៖  

• ម៉ូត
• តារាថៃ