បន្ទាប់ពីរឿងរ៉ាវបង្ហោះសាកសព ស្ងប់ស្ងាត់បន្តិច តារាយូធូបរូបនេះ បង្កបញ្ហាសារជាថ្មីទៀតហើយ! (មានវីដេអូ)

អាមេរិក៖ ប៉ុន្មានសប្តាហ៍មុននេះ តារាល្បីល្បាញរបស់យូធូប លោក Logan Paul បានទទួលរងការរិះគន់យ៉ាងខ្លាំង បន្ទាប់ពីគេបានបង្ហោះវីដេអូឃ្លីបមួយ បង្ហាញពីសាកសព ក្នុងព្រៃអត្តឃាតនៅក្នុងប្រទេសជប៉ុន។

យ៉ាងណាមិញ រឿងរ៉ាវខាងលើនេះ មិនទាន់ទាំងបានស្ងប់ស្ងាត់ទាំងស្រុងផង ស្រាប់តែបុរសសង្ហារូបនេះ បង្កបញ្ហាសាជាថ្មីម្តងទៀត ជាមួយនឹងវីដេអូឃ្លីប ឆក់សាកសពសត្វកណ្តុរ។

ជាក់ស្តែង តាមរយៈវីដេអូឃ្លីបនោះ បានបង្ហាញយ៉ាងច្បាស់ពីសកម្មភាពរបស់ លោក Logan Paul ហាក់បីដូចជាលេងសើចជាមួយមិត្តភក្តិប៉ុណ្ណោះ។ ប៉ុន្តែការលេងសើចលើកនេះ ដូចជារាងជ្រុលបន្តិចហើយ ហើយក៏បន្តមានការរិះគន់ ពីអ្នកលេងអីុនធើណែតទៀតផងដែរ។

គួរឲ្យដឹងដែរថា បើយោងតាមសេចក្តីរាយការណ៍ បានឲ្យដឹងថា ក្រុមហ៊ុនយូធូប នឹងធ្វើការផ្អាកផ្សាយពាណិជ្ជកម្មទាំងស្រុង ទៅលើរាល់វីដេអូឃ្លីបទាំងឡាយណា ដែលលោក Logan Paul បង្ហោះ ដើម្បីជាការព្រមានផងដែរ ៕ 

• វីដេអូ