អាល្លឺម៉ង់៖ ខែ្សប្រយុទ្ធរបស់ក្រុម Borussia Dortmund កីឡាករ Christian Pulisic បាននិយាយថា ខ្លួនក៏ជាអ្នកគាំទ្រម្នាក់ របស់ក្រុមបិសាចក្រហម Manchester United ជាយូរមកហើយ។
ខែ្សប្រយុទ្ធវ័យ១៩ឆ្នាំ រូបនេះ ត្រូវបានគេចាត់ទុកថា ជាកីឡាករកំពុងនឹងរះក្នុងតំបន់អឺរ៉ុប ត្បិតរូបគេបានស៊ុតបញ្ចូលទីជារឿយៗ ឲ្យ Dortmund ក្នុងលីកកំពូលអាល្លឺម៉ង់ Bundesliga នារដូវកាលនេះ។
ថ្លែងប្រាប់ទូរទស្សន៍ ESPN កីឡាករជម្រើសជាតិអាមេរិករូបនេះ បាននិយាយថា ខ្លួនគឺជាអ្នកគាំទ្រតាំងពីនៅក្មេងចំពោះក្លិប Manchester United ។
«ជាការពិតណាស់ ឥឡូវនេះខ្ញុំកំពុងមានកុងត្រាជាមួយ Dortmund ហើយខ្ញុំក៏កំពុងផ្ដោតអារម្មណ៍ និងព្យាយាមជួយក្រុម ប៉ុន្ដែវាពិតជាល្អដែលអាចឮពាក្យទាំងនេះ» ។
នៅពេលដែលត្រូវបានគេសួរថា តើយល់យ៉ាងណាដែរ បើអាចផ្លាស់ទៅលេងនៅ Premier League? កីឡាវ័យក្មេង Christian Pulisic រូបនេះ បានឆ្លើយតបវិញថា៖
«អ្នកនឹងមិនដឹងថា មានរឿងអ្វីកើតឡើងនោះទេ ក្នុងពិភពបាល់ទាត់។ ដូច្នេះក្នុងពេលនេះ ខ្ញុំផ្ដោតអារម្មណ៍តែចំពោះ Dortmund មួយប៉ុណ្ណោះ» ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
