រាជធានីភ្នំពេញ ៖ បុរសម្នាក់ដែលគេអះអាងថា ស្រវឹងធ្លាក់ភ្នែកបានបើករថយន្តទៅបុកម៉ូតូសង់កូរ៉េពណ៌ ក្រហម១គ្រឿង ចំពីមុខពេញទំហឹងបណ្តាលឱ្យក្មេងប្រុស២នាក់បងប្អូនរបួស បាក់ជើង ។
ហេតុការណ៍គ្រោះថ្នាក់ចរាចរណ៍ នេះ កើតឡើងកាលពីវេលាម៉ោង៥ និង១០នាទីល្ងាច ថ្ងៃទី១០ មីនា នៅក្រោយវត្តសំរោងអណ្តែត ទល់មុខភោជនីយដ្ឋានចម្ការលាភ តាមបណ្តោយផ្លូវបេតុង សង្កាត់ភ្នំពេញថ្មី ខណ្ឌសែនសុខ។ យោងតាម ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្តស៊េរីចាស់ ពណ៌ខ្មៅ មួយគ្រឿង បើកបរដោយបុរសម្នាក់យ៉ាងលឿនចេញពីភោជនីយដ្ឋានចម្ការលាភ ពីត្បូងទៅជើង។ ខណៈមកដល់ចំណុចកើតហេតុ ក៏ជ្រុលចង្កូតទៅបុកម៉ូតូសង់កូរ៉េ ពណ៌ក្រហម បើកបរដោយក្មេងប្រុសម្នាក់ និងមានប្អូនប្រុសម្នាក់ទៀតជិះពីក្រោយ ចំពីមុខពេញទំហឹងបណ្តាលឱ្យបងប្អូនទាំងពីរនាក់រងរបួសបាក់ជើង ត្រូវនគរបាលហៅរថយន្តសាមុយដឹកយកទៅព្យាបាលនៅមន្ទីរពេទ្យ ។
ក្រោយពីកើតហេតុរថយន្តបង្ក និងម៉ូតូជនរងគ្រោះត្រូវបាននគរបាលខណ្ឌសែនសុខយកទៅរក្សាទុកនៅ អធិការដ្ឋាននគរបាលខណ្ឌសែនសុខរង់ចាំការដោះស្រាយ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
