គ្រូបង្វឹកក្រុម Atletico Madrid ខឹងយ៉ាងខ្លាំង បន្ទាប់ពីកីឡាករម្នាក់បានបាក់ធ្មេញបីបួន តែអាជ្ញាកណ្តាលបែរជា… (មានវីដេអូ)

អេស្ប៉ាញ៖ គ្រូបង្វឹកក្រុម Atletico Madrid លោក Diego Simone មានអារម្មណ៍ខឹងសម្បាយ៉ាងខ្លាំង ដោយសារតែ អាជ្ញាកណ្តាលមិនព្រមឲ្យបាល់ពិន័យ ១១ម៉ែត្រទៅក្រុមរបស់ខ្លួន បើទោះបីជាកីឡាករម្នាក់របស់ក្រុម Atletico ត្រូវមួយកែង បែកមាត់និងបាក់ធ្មេញ។

Diego Godin ដែលជាខ្សែការពារកំពូលរបស់ Atletico Madrid បានបាក់ធ្មេញបីបួន បន្ទាប់ពីប៉ះទង្គិចគ្នា ជាមួយអ្នកចាំទីរបស់ក្លិប Valencia គឺកីឡាករ Neto ក្នុងអំឡុងពេលប្រកួតកាលពីថ្ងៃអាទិត្យ។

បើទោះបីជាក្រុមរបស់ខ្លួន បានទទួលជ័យជម្នះ ក្នុងលទ្ធផល ១-០ ក៏លោក Diego Simone ហាក់បីដូចជានៅតែមិនពេញចិត្ត នឹងការកាត់ក្តី ក្នុងការប្រកួតនោះឡើយ។

គ្រូបង្វឹកវ័យ ៤៧ឆ្នាំរូបនេះ បានប្រាប់ទៅកាន់សារព័ត៌មានថា៖ 

«បើសិនជាការប៉ះទង្គិចរបស់ Godin មិនអាចបានបាល់ប៉េណាល់ទី អីុចឹងទាល់តែមានមនុស្សស្លាប់ ទើបមានការពិន័យបាល់ប៉េណាល់ទី» ៕

• វីដេអូ