ខេត្តកំពង់ចាម ៖ នគរបាលប៉ុស្តិ៍ឈូក បានឃាត់ខ្លួនជនសង្ស័យចំនួន២នាក់ ឈ្មោះជួន រតនា ហៅម៉ាប់ អាយុ២០ឆ្នាំ និងឈ្មោះលាវ សុខហាន អាយុ២៤ឆ្នាំ រស់នៅឃុំឈូក ស្រុកក្រូចឆ្មារ កាលពីវេលាម៉ោង៦និង៥នាទីព្រឹកថ្ងៃទី២៤ ធ្នូ ឆ្នាំ២០១១ ពីបទចាប់រំលោភសេពសន្ថវៈនាងក្រមុំអាយុ២០ឆ្នាំ នៅក្នុងព្រៃចម្ការកៅស៊ូខណៈពេលនាងចេញទៅបត់ជើង ។
លោកវរសេនីយ៍ត្រីឡាយ ងួន អធិការនគរបាលស្រុកក្រូចឆ្មារឱ្យដឹងថា កាលពីវេលាម៉ោង៨និង៣០នាទីយប់ថ្ងៃទី២៣ ធ្នូ នារីរងគ្រោះឈ្មោះ «វ.ម» បានដើរទៅបត់ជើងធំនៅព្រៃក្បែរផ្ទះក៏ត្រូវជន២នាក់ នោះចាប់ខ្ទប់មាត់ រំលោភសេពសន្ថវៈម្នាក់ម្តងៗ ។
បន្ទាប់ពីរំលោភរួចហើយ ជនទាំង២នាក់ ត្រឡប់ទៅផ្ទះរបស់គេវិញ ។ រហូតដល់ព្រឹកថ្ងៃទី២៤ ធ្នូ ពេលទទួលបានព័ត៌មានពីលោកស៊ិន សំអុល មេឃុំឈូក ពីករណីចាប់រំលោភនោះរូបលោកចាត់ឱ្យកម្លាំងជំនាញស្រុកទៅសហការជាមួយសមត្ថកិច្ចប៉ុស្តិ៍រដ្ឋបាលឃុំឈូក ចាប់ខ្លួនជនសង្ស័យទាំង២នាក់ ខណៈកំពុងតែជិះម៉ូតូជាមួយគ្នារួច បញ្ជូនទៅកាន់អធិការដ្ឋាននគរបាលស្រុក ។
ជនសង្ស័យឈ្មោះជួន រតនា ឆ្លើយសារភាពថា រូបគេស្រលាញ់នាង «វ.ម» រយៈពេលប្រមាណ៣ខែមកហើយ ។ រូបគេតែងតែទាក់ទងនាងតាមទូរស័ព្ទនិយាយសាសងគ្នាទៅវិញទៅមកជាញឹកញាប់រហូតស្រឡាញ់គ្នា ។ នៅក្នុងខែធ្នូរូបគេបានរួមភេទជាមួយនាងចំនួន៣លើក។ ដោយឡែកនៅយប់ថ្ងៃទី២៣ ធ្នូ រូបគេទូរស័ព្ទហៅនាងឱ្យចុះពីលើផ្ទះ ទៅជួបគ្នានៅក្នុងចម្ការកៅស៊ូនិយាយសាសងគ្នារហូតដល់នាងយល់ព្រមឱ្យរួមភេទគឺគ្មានការបង្ខិតបង្ខំទេ ។ ទោះជាយ៉ាងណាក្តីឈ្មោះលាវ សុខហាន ជាអ្នករួមភេទមុន រីឯរូបគេវិញរួមភេទជាមួយនាងតាមក្រោយ ។
នាង« វ.ម» និយាយថា ក្នុងពេលនាងដើរចេញទៅបត់ជើងនៅខាងត្បូងផ្ទះប្រហែល៦០ ម៉ែត្រ ស្រាប់តែជន២នាក់ នោះចាប់ដៃរបស់នាងខាងស្តាំ ។ នាងស្គាល់ពួកគេព្រោះបញ្ចាំងភ្លើងពិលទូរស័ព្ទដៃឃើញមុខច្បាស់ ។ ឈ្មោះលាវ សុខហាន ចាប់ខ្ទប់មាត់នាងជាប់និងច្របាច់កមិនឲ្យស្រែកទេ ។ ពួកគេចាប់នាងរំលោភម្នាក់ម្តងៗ ហើយនាងមានការឈឺចាប់ព្រោះឈ្មោះរតនាបានខាំក្បាលសុដន់របស់នាង៕
ដកស្រង់ពីគេហរទំព័រកោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
