អគ្គិភ័យកំពុង ឆាបឆេះ ផ្ទះប្រជាពលរដ្ឋ នៅភូមិទ្រា២

ភ្នំពេញៈ អគ្គិភ័យដ៏សន្ធោសន្ធៅកំពុងឆាបឆេះផ្ទះ ប្រជាពលរដ្ឋមួយខ្នង ដែលធ្វើពីឈើប្រក់ស័ង្កសី ស្ថិតនៅភូមិ ទ្រា២ សង្កាត់ស្ទឹងមានជ័យ ខណ្ឌមានជ័យ នាវេលាម៉ោង ១ និង៤៥នាទីរសៀលថ្ងៃអង្គារ ទី១៣ ខែវិច្ឆិកា ឆ្នាំ២០១២នេះ។

យោងតាមសេចក្តីរាយការណ៍ពីសាក្សីនៅកន្លែង កើតហេតុ បានឲ្យដឹងថា អគ្គិភ័យបាននឹងកំពុង ឆាបឆេះយ៉ាង ខ្លាំង ហើយនៅពីមុខនោះ មានផ្ទះល្វែងផងដែរ តែមិនទាន់រាលដាលនោះទេ ហើយកម្លាំងអាជ្ញាធរ និងសមត្ថកិច្ច មូលដ្ឋានកំពុងជួយអន្តរាគមន៍។

តែទោះជាយ៉ាងណា មិនទាន់មានប្រភពបញ្ជាក់ពីមូលហេតុ នៃការឆាបឆេះនេះ នៅឡើយទេ៕

ដោយៈ ដើមអម្ពិល

ផ្តល់សិទ្ធដោយ ដើមអម្ពិល