បើនិយាយពីចៃដែលមាននៅលើក្បាលគឺដូចជាធម្មតាទៅហើយ! ពីព្រោះថាវាកើតឡើងភាគច្រើនចំពោះមនុស្សវ័យជំទង់ ឬក្មេងៗ ដែលនៅតាមទីជនបទជាដើម ហើយវាឆ្លងពីមនុស្សម្នាក់ទៅមនុស្សម្នាក់ទៀត តាមរយៈការលេងជាមួយគ្នា នៅជិតគ្នា ឬគេងជិតគ្នាជាដើម ហើយវាឆ្លងពីអ្នកដែលមានចៃស្រាប់ទៅអ្នកដែលមិនមាន។
ម្យ៉ាងវិញទៀតវាកើតមានឡើងយ៉ាងរហ័ស និងមានហានិភ័យនៃការឆ្លងរោគផងដែរ។ ហើយមួយវិញទៀតនោះការប្រើប្រាស់សាប៊ូកក់សក់កម្ចាត់ចៃខ្លះ វាពុំមានប្រសិទ្ធភាពក្នុងការបំបាត់ចៃបានល្អនោះទេ។ លើសពីនេះទៅទៀតប្រសិនបើវានៅតែបន្តកើតច្រើនទៅៗ នោះវានឹងមិនមែនជារឿងល្អសម្រាប់អ្នកទេ។
ហេតុដូចនេះយើងនឹងបង្ហាញពីវិធីសាស្រ្តក្នុងការកម្ចាត់ចៃនៅលើក្បាលចោលមួយរំពេច តាមបែបធម្មជាតិដោយមិនចំណាយលុយច្រើនទៀតផង!
គ្រឿងផ្សំរួមមាន៖
• ក្រាសសិតចៃ ឬហៅថាស្និតសិតចៃ
• ទឹកថ្នាំខ្ពុរមាត់
• ទឹកខ្មេះពណ៌ស
• ប្លាស្ទិចសម្រាប់គ្របក្បាល
• កន្សែង
វិធីធ្វើ៖
• ដំបូងលាងសម្អាតក្បាលរបស់អ្នកដោយប្រើទឹកថ្នាំខ្ពុរមាត់ ហើយបន្ទាប់មកយកថង់សម្រាប់គ្របក្បាលមកគ្របលើសក់របស់អ្នក រួចទុករយៈពេល១ម៉ោង(សត្វចៃលើក្បាលនេះវាមិនចូលចិត្តក្លិនជីអង្កាមនេះទេ)។
• ជំហានបន្ទាប់លាងសក់របស់អ្នកចេញជាមួយនឹងទឹកខ្មេះពណ៌សដើម្បីកម្ចាត់ពពួកពងរបស់ចៃចេញ ហើយគ្របសក់របស់អ្នកជាមួយនឹងថង់គ្របក្បាលម្តងទៀត។ ចុងក្រោយកក់សម្អាតសក់ចេញជាមួយសាប៊ូកក់សក់ធម្មតារបស់អ្នក និងយកក្រាសសិតចៃមកសិតដើម្បីឲ្យចៃ ឬពងរបស់វារបូតមកតាមក្រាស។
• ហើយអ្នកត្រូវយកទឹកខ្ពុរមាត់នោះមកបាញ់នៅលើសក់មុនពេលចេញទៅក្រៅ ឬមុនពេលកូនៗរបស់អ្នកទៅសាលា
ចំណាំ៖ ការអនុវត្តន៍បែបនេះវាមិនមានផលប៉ះពាល់ដល់អ្នក ឬកូនៗរបស់អ្នកដូចជាផលិតផលគីមីផ្សេងៗនោះទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]