ស្តែងណាស់! ទាហានកូរ៉េខាងជើងម្នាក់រត់គេចចូលកូរ៉េខាងត្បូង ត្រូវគេតាមបាញ់ស្ទើរស្លាប់ស្ទើររស់ ថតជាប់ក្នុងកាមេរ៉ា (មានវីដេអូ)

កូរ៉េ៖ ប្រជាជនកូរ៉េខាងត្បូង មានការតក់ស្លុតជាខ្លាំង ក្រោយបានឃើញទាហានកូរ៉េខាងជើងម្នាក់ រត់ភៀសខ្លួន យ៉ាងប្រផាប់ប្រភីង ត្រូវគេតាមបាញ់សម្លាប់ ថតជាប់ក្នុងកាមេរ៉ា។

បុរសជាទាហានម្នាក់ ត្រូវគេបង្ហើបត្រឹមឈ្មោះ Oh បានលួចរថយន្តហ្ស៊ីបរបស់ពួកកងទ័ព ធ្វើដំណើរមកព្រំប្រទល់ (DMZ) ប្រទេសបងប្អូនទាំងពីរ បំណងចង់បានសេរីភាព។ 

មកដល់ព្រំប្រទល់កាលណា បុរសឈ្មោះ Oh បានចេញពីឡាន ដាក់មេផាយរត់យ៉ាងលឿន ត្រូវឆ្មាំព្រំដែនកូរ៉េខាងជើង តាមបាញ់ប្រហារ ក្នុងរូបភាពគួរឲ្យភ័យរន្ធត់បំផុត។

បើតាមប្រភពសារព័ត៌មានបានរាយការណ៍ថា ពួកឆ្មាំទាំងនោះហ៊ានដល់ថ្នាក់ចូលមកដល់កន្លែងហាមឃាត់ ទាំងពុំបានដឹងខ្លួនកំពុងរំលោភបំពានដែនដីគេឡើយ។  

ជាសំណាងល្អ បុរសខាងលើ ត្រូវបានជួយសង្គ្រោះពីសំណាក់កងទ័ពកូរ៉េខាងត្បូង ទាំងខ្លួនកំពុងត្រូវរបួស។ លោកត្រូវបានទទួលឲ្យសម្រាកព្យាបាល នៅមន្ទីរពេទ្យមួយកន្លែងក្នុងទីក្រុងសេអ៊ូល ហើយត្រូវក្រុមគ្រូពេទ្យរកឃើញថាកំពុងមានជំងឺខ្វះអាហាររូបត្ថម្ភ ព្រមទាំងត្រូវរបួសជាច្រើនកន្លែង៕

សូមទស្សនាវីដេអូខាងក្រោម៖ 

• វីដេអូ