ប៉ុន្មានម៉ាត់របស់ Ramos ធ្វើឲ្យអ្នកគាំទ្រ Real Madrid ស្រលាញ់គាត់កាន់តែខ្លាំង

អេស្ប៉ាញ៖ កាលពីថ្មីៗនេះ ខ្សែការពារសញ្ជាតិអេស្ប៉ាញ Sergio Ramos បានរងរបួសបាក់ខ្ទង់ច្រមុះ ក្នុងពេលដែល Real Madrid ធ្វើការប្រកួតជាមួយក្លិប Atletico Madrid ។

បន្ទាប់ពីការប្រកួតបានបញ្ចប់ Sergio Ramos បានបង្ហោះសារមួយផ្ញើទៅកាន់អ្នកគាំទ្រ Real Madrid ថា "ខ្ញុំសុខចិត្តហូរឈាមរាប់ពាន់ដងសម្រាប់ Logo ដែលជាប់នឹងអាវមួយនេះ''។

កីឡាកររូបនេះ បន្ថែមចុងក្រោយទៀតថា  ''អរគុណសម្រាប់ការគាំទ្ររបស់អ្នកទាំងអស់គ្នា ខ្ញុំនឹងត្រឡប់មកវិញឆាប់ៗនេះ''។ 

ការនិយាយបែបនេះបានបង្ហាញឲ្យឃើញថា កីឡាករ Ramos ពិតជាសមដើរតួនាទីជាប្រធានក្រុមណាស់ ដោយសារតែ គាត់មានចិត្តពុះពារយ៉ាងខ្លាំងដើម្បីក្រុម

គួរបញ្ជាក់ផងដែរថា ខណៈពេលនេះ កីឡាករ Sergio Ramos និងមិត្តរួមក្រុមរបស់ខ្លួនកំពុងតែស្ថិតនៅក្នុងស្ថានភាពមួយដ៏ពិបាក ដោយសារតែក្លិប Real Madrid បានដាច់ពីដៃគូរប្រជែង Barcelona រហូតដល់ទៅ ១០ពិន្ទុផងដែរ ៕