Mourinho ខឹងក្រុមជម្រើសជាតិអង់គ្លេស រឿងចាក់ថ្នាំឲ្យ Jone លេងក្នុងការប្រកួត ទោះមិនទាន់ជាស្រួលបួលក៏ដោយ

អង់គ្លេស៖ លោក Jose Mourinho បានបង្ហាញនូវការមិនពេញចិត្ដចំពោះអ្នកចាត់ការក្រុមជម្រើសជាតិអង់គ្លេស លោក Gareth Southgate និងក្រុមគ្រូពេទ្យ ដែលសុខចិត្ដចាក់ថ្នាំឲ្យខែ្សការពារ Phil Jone ដើម្បីបានលេងក្នុងជំនួបមិត្ដភាពអន្ដរជាតិ ទាំងដែលរូបគេនៅពុំទាន់ជាស្រួលបួលនៅឡើយនោះ។

Jone លេងបានត្រឹម២៥នាទី ប៉ុណ្ណោះ ក្រោយមានបញ្ហារបួសសាជាថ្មី ក្នុងការប្រកួតមិត្ដភាពរវាងក្រុមជម្រើសជាតិអង់គ្លេស ទល់នឹងក្រុមជម្រើសជាតិអាល្លឺម៉ង់ នៅកីឡដ្ឋាន Wembley កាលពីថៃ្ងសុក្រ សប្ដាហ៍មុន ហើយនឹងត្រូវខកខានជួយ Man Utd ក្នុងការប្រកួតទល់នឹង Newcastle នាយប់នេះ។

មុនជំនួបយប់នេះ អតីតអ្នកចាត់ការរបស់ក្រុម Real Madrid បាននិយាយថា៖ «ក្នុងនាមជាគ្រូបង្វឹកអស់រយៈពេលជាង១៧ឆ្នាំ ខ្ញុំមិនដែលមានកីឡាណាដែលត្រូវគ្រូពេទ្យក្នុងក្រុមចាក់ថ្នាំ ដើម្បីលេងក្នុងការប្រកួតមិត្ដភាពទេ។ គឺមិនដែលមានទាល់តែសោះ»៕  

ប្រភព៖ Dailymail