រាងកាយរបស់មនុស្សជាប្រព័ន្ធមួយដ៏ស៉ាំញ៉ាំតែក៏ពោរពេញដោយភាពអស្ចារ្យជាច្រើនដែរ។ ពេលខ្លះរាងកាយអាចជួយក្រើនរម្លឹក និងផ្តល់ជាសញ្ញានៃអាការមិនប្រក្រតីជាច្រើនដល់យើងឱ្យបានដឹងទាន់ពេលវេលា ដើម្បីរកវិធីព្យាបាល និងថែទាំជាដើម។
ថ្ងៃនេះយើងនឹងលើកយកការឱ្យសញ្ញាទាំង៨ ដែលរាងកាយបានបង្ហាញឱ្យអ្នកយកចិត្តទុកដាក់ថែទាំ និងផ្តល់របបអាហារឱ្យបានត្រឹមត្រូវដូចខាងក្រោម៖
១. មានបញ្ហាគេងមិនលក់/ឆេវឆាវ/រមួលក្រពើ
ពេលដែលអ្នកមានអាការអស់ទាំងនេះ បានន័យថារាងកាយរបស់អ្នកកំពុងខ្វះសារជាតិម៉ាញ៉េស្យូម និងប៉ូតាស្យូមហើយ។ ដូច្នេះត្រូវតែបន្ថែមសារធាតុទាំងនេះក្នុងរបបអាហាររបស់អ្នកដូចជា៖ ផ្លែប៉េងប៉ោះ, ផ្លែក្រូច, ផ្លែចេក និងស្ពៃ Spinach ជាដើម។
២.ស្បែកស្ងួត
ស្បែករបស់អ្នកប្រែជាស្ងួតខុសពីធម្មតាជាសញ្ញាប្រាប់ថារាងកាយរបស់អ្នក ខ្វះជាតិ វីតាមីន E ។ ដូច្នេះអ្នកគួរតែទទួលទានបន្លែ គ្រាប់ធញ្ញជាតិ និងត្រីជាដើម។
៣.មាត់សាបៗ រករបស់ផ្អែម
បើសុខៗអ្នកស្រាប់តែឃ្លានចង់រករបស់ផ្អែមៗខុសពីធម្មតាបានន័យថាអ្នកកំពុងតែជួបបញ្ហាស្ត្រេស, ជំងឺធ្លាក់ទឹកចិត្ត និងមានអារម្មណ៍ថាហេវហត់អស់កម្លាំងជាដើម។ អ្នកគួរតែបំពេញជាតិផ្អែមឱ្យរាងកាយបន្ថែម ដើម្បីបំបាត់បញ្ហាអស់ទាំងនេះ។ តែដើម្បីកុំឱ្យធាត់ អ្នកគួរតែទទួលទានសូកូឡាខ្មៅ និងទឹកឃ្មុំជំនួសវិញប្រសើរជាង។
៤. ឃ្លានទឹកកកដុំ
វាជារឿងចម្លែក តែបើសិនជាអ្នកកើតមានអាការសុខៗចង់ខាំញ៉ាំដុំទឹកកកលេង បានន័យថារាងកាយរបស់អ្នកកំពុងតែជួបប្រទះភាពស្លេកស្លាំង និងខ្វះជាតិដែកហើយ។ អ្នកគួរតែទទួលទានអាហារបន្ថែមដែលសម្បូរជាតិដែកដែលភាគច្រើនមាននៅក្នុងសាច់គោ, ស៊ុត និងពពួកសត្វមានសម្បកដូចជាខ្យងជាដើម។ តែប្រសិនជាអ្នកឃ្លានទឹកកកដុំខ្លាំងគួរតែទៅពិគ្រោះជាមួយគ្រូពេទ្យជាមុនសិនទើបជាការល្អ។
៥. ឈាមអញ្ចាញធ្មេញ
ស្រាប់តែភ្លាមៗអញ្ចាញធ្មេញរបស់អ្នកហូរឈាមពេលដុសធ្មេញនោះជាសញ្ញាប្រាប់ថា អ្នកកំពុងតែខ្វះវីតាមីន C ហើយ។ ដូច្នេះអ្នកគួរតែបន្ថែមអាហារដែលសម្បូរជាតិវីតាមីណ C នៅក្នុងរបបអាហរប្រចាំថ្ងៃរបស់អ្នកដូចជា ពពួកផ្លែក្រូច, ស្ពៃ Spinach, ម្ទេសប្លោកខៀវ ឬក្រហម, ប៉េងប៉ោះ, ស្ពៃក្តោប, ផ្កាខាត់ណា និងផ្កាខាត់ណាខៀវជាដើម។
៦. ក្រចក និងសក់ផុយស្រួយ
ក្រចកឆាប់បាក់ សក់ផុយស្រួយឆាប់ដាច់និជ្រុះ ជាសញ្ញាប្រាប់ថារាងការរបស់អ្នកខ្វះជាតិវីតាមីន B ហើយ។ ដូច្នេះគួរតែទទួលទឹកដោះគោ, ពពួកសារាយសមុទ្រ និងផ្សិតឱ្យបានច្រើន។
៧.ស្រមោលរង្វង់ជុំវិញប្រស្រីភ្នែក
សញ្ញាបែបនេះតែងតែកើតឡើងជាធម្មតាសម្រាប់មនុស្សដែលមានវ័យលើសពិ ៥០ឆ្នាំ។ ប៉ុន្តែបើសិនជាសុខៗស្រាប់តែកើតមានអាការបែបនេះទាំងអាយុនៅក្មេងនៅឡើយ បានន័យថាកូឡេស្តឺរ៉លនៅក្នុងខ្លួនរបស់អ្នកកើនឡើងខ្ពស់ហើយ ដូច្នេះគួរតែប្រញាប់ទៅប្រឹក្សាយោបល់ជាមួយវេជ្ជបណ្ឌិតជំនាញសម្រាប់ដោះស្រាយបញ្ហាអស់ទាំងនេះ។
៨.ម្រាមជើងប្រភេទ Greek
ម្រាមជើង Greek គឺជាប្រភេទម្រាមជើងទី២ជាប់នឹងមេជើងវែង និងធំជាងម្រាមជើងផ្សេងៗទៀត។ ពេលខ្លះវាប្រែជាបែបនេះដោយសារតែសភាពក្រិន ឬម្រាមជើងមានសភាពខុសប្រក្រតីជាដើម ដែលវាអាចធ្វើឱ្យអ្នកពិបាកក្នុងការពាក់ស្បែកជើង។ ដូច្នេះអ្នកគួរតែពិនិត្យមើលឱ្យបានច្បាស់ ថាវាមកពីសភាពក្រិនបណ្តាលពីកកិតស្បែកជើង ឬក៏មានអ្វីខុសប្រក្រតី។ បើសិនមានអ្វីខុសប្រក្រតី យកល្អអ្នកគួរតែទៅពិនិត្យឱ្យបានច្បាស់នៅមន្ទីរពេទ្យ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]