ខេត្តកំពង់ធំ ៖ ករណីឃាតកម្មមួយ បានកើតឡើងកាលពីវេលាម៉ោង០៩និង២៣នាទីយប់ ថ្ងៃទី២០ ខែតុលា ឆ្នាំ២០១៧ ស្ថិតនៅចំណុចអូរសាជូ ក្នុងភូមិសាស្ត្រភូមិដងក្តា ឃុំក្រយា ស្រុកសន្ទុក ខេត្តកំពង់ធំ ។
លោកឧត្តមសេនីយ៍ត្រី កែ ខានណារ៉ា ស្នងការរងនគរបាលខេត្តទទួលខាងព្រហ្មទ័ណ្ឌ បានប្រាប់កោះសន្តិភាពឲ្យដឹងនៅព្រឹកថ្ងៃទី២១ ខែតុលា នេះថា បើយោងតាមការចុះស្រាវជ្រាវរបស់លោកអាចធ្វើការសន្និដ្ឋានជាជំហ៊ានដំបូងថា ក្រុមជនសង្ស័យមានគ្នាប្រហែលជាពីរ ឬបីនាក់ បានពួនស្ទាក់ផ្លូវបាញ់សម្លាប់ជនរងគ្រោះពីរនាក់ប្តីប្រពន្ធ នៅចំណុចកើតហេតុខាងលើ សង្ស័យរឿងគំនុំ ។
ជនរងគ្រោះជាប្រពន្ធឈ្មោះ លី ចាន់ធឿន អាយុ៣៨ឆ្នាំ ត្រូវបានឃាតករបាញ់សម្លាប់នៅក្នុងរថយន្តរបស់ខ្លួនម៉ាក ហាយឡែនឌ័រ ពណ៌ទឹកប្រាក់ពាក់ ស្លាកលេខភ្នំពេញ ២B-៥៤៤៤ ចំណែកបុរសជាប្តីឈ្មោះ សឿន ប្រុញ អាយុ៤១ឆ្នាំ អ្នកទាំងពីរនាក់ប្តីប្រពន្ធមានស្រុកកំណើតរស់នៅភូមិក្រែក ឃុំក្រែក ស្រុកពញាក្រែក ខេត្តត្បូងឃ្មុំ បច្ចប្បន្នមកស្នាក់នៅបណ្តោះអាសន្ននៅក្នុងភូមិឃុំកើតហេតុខាងលើ ដោយសារតែជនរងគ្រោះមានចំការកៅស៊ូជាច្រើនហិកតានៅទីនោះ ។
ត្រូវបានឃាតករបាញ់សម្លាប់នៅខាងក្រៅរថយន្ត មិនដឹងថាជនរងគ្រោះបម្រុងចុះរត់ ឬមួយក៏ក្រុមឃាតករអូសដៃយកមកបាញ់សម្លាប់នៅខាងក្រៅរថយន្តនោះទេ ។ បន្ទាប់ពីធ្វើសកម្មភាពបាញ់សម្លាប់រួច ក្រុមឃាតករបានរត់គេចខ្លួនបាត់អស់ សង្ស័យថាជារឿងគំនុំ សមត្ថកិច្ចកំពុងតែដុតដៃដុតជើងស្រាវជ្រាវរកក្រុមឃាតករ ដើម្បីយកមកផ្តន្ទាទោសចំពោះមុខច្បាប់ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
